КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2006 СЕНЕСИ 22-ФЕВРАЛЬДЕ КЪАБУЛ ОЛУНГЪАН "ОБЪЕКТЛЕР ЕРЛЕШЮВ ЕРЛЕРИ МАТЕРИАЛЛАРЫНЫНЪ УЙГЪУНЛАШТЫРЫЛМАСЫ АКЪКЪЫНДА" 1590 4/06 САНЛЫ КЪАРАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1, 31-нджи пунктына, Украина Топракъ кодексининъ 7-нджи маддеси ве 151 маддесиндеки 9-нджы къысмына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2006 сенеси 22-февральде къабул олунгъан  «Объектлер ерлешюв ерлери материалларынынъ уйгъунлаштырылмасы акъкъында» 1590-4/06 санлы Къарарына (Къырым Мухтар Джумхуриетининъ норматив-укъукъий актлар топламы, 2006 с., №2, 30 мад.) ашагъыдаки денъишме кирсетильсин:

1.1. 1-нджи пункт мезкюр мундериджели 1.17 — 1.28. пунктастларынен текмилленсин:

«1.17. «Авис» месулиети сынъырлангъан джемиетине — Штормовое кой шурасынынъ (Сакъ районы) ихтият топракъларында (4,5 га) автотуристлерге хызмет косьтермек максадынен мейданчыкъ ерлештирильмеси ичюн.

1.18. «Агропромсервис Плюс» месулиети сынъырлангъан джемиетине — Лесное кой шурасынынъ (Сакъ районы) ихтият топракъларында (2,23 га) раатлыкъ базасыны ерлештирмек ичюн.

1.19. Тешеббюсчилик фаалиети субъекти олгъан Захаров Игорь Анатольевичке — Лесное кой шурасынынъ (Сакъ районы) ихтият топракъларында (0,25 га) автотурист ве раатлангъанларгъа хызмет тешкилятландырмакъ макъсадынен мейданчыкъ къуруджылыгъы ве мында хызмет косьтерюви ичюн.

1.20. Тешеббюсчилик фаалиети субъекти олгъан Песенко Оксана Николаевнагъа — Молочное кой шурасынынъ (Сакъ районы) ихтият топракъларында (0,25 га) язда чалыштырыладжакъ раатлыкъ базасыны ерлештирмек ичюн. 

1.21. Тешеббюсчилик фаалиети субъекти олгъан Гостищева Элеонора Петровнагъа — Молочное кой шурасынынъ (Сакъ районы) ихтият топракъларында (0,2 га) раатлыкъ эви ерлештирмеси ичюн.

1.22. «Цитадель-Крым» шахсий ишханесине — Лесное кой шурасынынъ (Сакъ районы) ихтият топракъларында (1,91 га) раатлыкъ базасыны ерлештирмек ичюн.

1.23. «Ветеран къайыкъ кооперативи» джемаат тешкилятына — Штормовое кой шурасынынъ (Сакъ районы) ихтият топракъларында (0,5 га) пляж ве онъа алып баргъан ёлны ерлештирильмек ичюн.

1.24. «Альфа-Крым-2000» месулиети сынъырлангъан джемиетине — Лесное кой шурасынынъ (Сакъ районы) ихтият топракъларында (4,4 га) пляж ерлештирильмек ичюн.

1.25. «Прибрежный» ККХИ» месулиети сынъырлангъан джемиетининъ таби къысмы олгъан ишханеге — Штормовое кой шурасынынъ (Сакъ районы) ихтият топракъларында (0,3 га) мидиялар ходжалыгъынынъ ходжалыкъ базасыны ерлештирмек ичюн.

1.26. «Леон» месулиети сынъырлангъан джемиетине — Сизово кой шурасынынъ (Сакъ районы) ихтият топракъларында (43,9 га) бычылгъан къабурчакъ таш Ильино ер догъумынынъ ишлетильмеси ичюн.

1.27. «Сармат» месулиети сынъырлангъан джемиетине — Красноярск кой шурасынынъ (Черномор районы) ихтият топракъларында (54,4746 га) бычылгъан къабурчакъ таш Красноярск ер догъумынынъ ишлетильмеси ичюн.

1.28. Т.Г. Шевченко адына кой ходжалыкъ истисал кооперативине — Славянск кой шурасынынъ (Раздольное районы) ихтият топракъларында (9,1 га) бычылгъан къабурчакъ таш Славянск ер догъумынынъ ишлетильмеси ичюн.

1.2. 2-нджи пунктта:

1-нджи сатырбашы янъы тарирде арз этильсин:

«2. Объектлер ерлешюв ерлери материалларынынъ уйгъунлаштырылмасында ред этильсин»;

2.1, 2.2, 2.3, 2.5, 2.6 пунктастлары чыкъарылсын;

2.7 пунктасты лягъу этильсин;

2.9, 2.10, 2.11, 2.13, 2.14, 2.15, 2.16, 2.17 пунктастлары чыкъарылсын.

2. Мезкюр Къарар къабул этильген кунюнден арекетке кире.