Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 2 ве 9-нджы пунктлары, 26-нджы маддесиндеки 2-нджи къысмынынъ 31-нджи пунктына эсасланаракъ ве Украинанынъ ер асты байлыкълары акъкъында Кодексининъ 9-нджы маддесиндеки 2-нджи къысмына, 16 ве 19-нджы мадделерине, Украина Назирлер Кабинетининъ 2006 сенеси 20-февральде 168 санлы Къарарынен тасдикълагъан ер асты байлыкъларындан 2006 сенеси файдаланмакъ ичюн махсус изинлер такъдим этмек Тертибининъ 8-нджи пунктына бинаен,
Къырым Мухтар Джумхуриетининъ Юкъары Радасы к ъ а р а р б е р е:
1. Ер асты байлыкъларындан файдаланмакъ ичюн махсус изинлер такъдим этилюви акъкъында ресмий риджалар уйгъунлаштырылсын:
1) Симферополь сув кечирюв-канализация ходжалыгъы истисал ишханесине — Николаевка шчкъ ходжалыкъ-ичимлик сувнен теминлемек ичюн Симферополь районынынъ Алма ер догъумындаки Альминский-5 дамартысында (№№ 4700, 4701 бужарлары) ер асты татлы сувларыны чыкъармакъ макъсадынен;
2) «Артек» халкъара бала меркези» (Гурзуф шчкъ) Украина Девлет ишханесине — ишханени ходжалыкъ-ичимлик сувнен теминлемек ичюн Ялта дагъ-орман табиат къоругъы сынъырларындаки Гъарбий Къырым ер догъумынынъ Гурзуф-Запрудное дамартысында (№№ 504-Г, 505-Г, 506-Г, 508-Г, 509-Г, 510-Г, 511-Г, 513-Г, 515-Г, 329/115, 456/74, 455/143, 457/142, 504-Га чокъракълары) ер асты татлы сувларны чакъармакъ макъсадынен.
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 сенеси, октябрь 18, № 227-5/06 |