Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1, 10-нджы пунктларына, «Этрафтаки табиат муитини муафаза этюв акъкъында» Украина Къанунынынъ 14-нджи маддесиндеки 1-нджи къысмынынъ «е» пункты ве 47-нджи маддесине бинаен, эм де табиаткъорувы ве ресурссакълав тедбирлерни малиенен теминлев джерьяныны саделешртирмек макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 1998 сенеси 19-ноябрьде къабул олунгъан «Этрафтаки табиат муитини муафаза этюв Джумхурий (Къырым Мухтар Джумхуриетининъ) фонду акъкъында Низамнамесининъ тасдикъланмасы акъкъында» 285-2/98 санлы Къарарына (Къырым Мухтар Джумхуриетининъ норматив-укъукъий актлар топламы, 1998 с., №11, 908 мад.; 2000 с., №6, 609 мад.; 2001 с., №11, 1221 мад.; 2004 с., №3, 166 мад.) ашагъыдаки денъишме кирсетильсин:
Мезкюр Къарарнен тасдикълангъан этрафтаки табиат муитини муафаза этюв Джумхурий (Къырым Мухтар Джумхуриетининъ) фонду акъкъында Низамнаме янъы тарирде арз этильсин (иляве этиле).
2. Къырым Мухтар Джумхуриети Назирлер Шурасы Къырым Мухтар Джумхуриети Назирлер Шурасынынъ 2002 сенеси 12-мартта къабул этильген 80 санлы Къарарынен тасдикълангъан этрафтаки табиат муитини муафаза этюв Джумхурий (Къырым Мухтар Джумхуриетининъ) фондунынъ яратылувы ве онынъ ишлетюви Тертибини арекетте олгъан бюджет къаунунджылыгъына уйгъун кетирсин.
3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ аграр ве топракъ меселелери, экология ве табиаттан анълакъсал файдаланув боюнджа Даимий комиссиясына авале этильсин.
4. Мезкюр Къарар 2007 сенеси 1-январьдан арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 сенеси, октябрь 18, № 226-5/06 |