Къырым Мухтар Джумхуриети Анаясасынынъ 9-нджы маддесиндеки 3-нджи къысмына бинаен ве паралимпия арекети инкишафына къолтутмакъ, спорт фаалиетине сильтем бермек, сакъат спортсменлер ве оларнынъ устазларына маневий ве маддий ярдым этмек макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Етекчи сакъат спортсменлер ве оларнынъ устазларына Къырым Мухтар Джумхуриетининъ стипендиялары акъкъында Низамнаме тасдикълансын (иляве этиле).
2. Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясынен бирликте Къырым Мухтар Джумхуриети Назирлер Шурасы эр сене Къырым Мухтар Джумхуриети бюджетининъ лейихасыны шекиллендиргенде Къырым Мухтар Джумхуриетининъ джисманий медениет ве спорт боюнджа Джумхурий комитетини малиенен теминлевине козьде тутулгъан пара васталары эсабындан етекчи сакъат спортсменлер ве оларнынъ устазларына, эр бири ишке ярагъан шахысларгъа тайинленген яшамакъ минимумы колеминде олгъан, Къырым Мухтар Джумхуриетининъ он стипендиясыны малиенен теминлемесине пара айырылмасы козьде тутсынлар.
3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына ве Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 сенеси, октябрь 18, № 222-5/06 |