КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2006 СЕНЕСИ 22-ФЕВРАЛЬДЕ КЪАБУЛ ОЛУНГЪАН 1583-4/06 САНЛЫ КЪАРАРЫНЕН ТАСДИКЪЛАНГЪАН КЪЫРЫМ МУХТАР ДЖУМХУРИЕТИНИНЪ ЭАЛИСИ 2006-2007 СЕНЕЛЕРИ ИШНЕН ТЕМИНЛЕНМЕСИ ПРОГРАММАСЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 11-нджи пунктына, Украина Эмек ве ичтимаий сиясет Назирлигининъ 2006 сенеси 3-майыста имзалангъан «2005 сенесине эалининъ ишнен теминленмеси Программасынынъ эда этильмеси нети­джелери ве 2006 сенесине олгъан вазифелери акъкъында» 165 санлы эмирининъ 3-нджи пункты 3.2 пунктастына бинаен, янъы иш ерлери яратылмасы боюнджа къошма тедбирлер тешкилятландырмакъ макъсадынен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2006 сенеси 22-февральде къабул олунгъан  1583-4/06 санлы Къарарынен (Къырым Мухтар Джумхуриетининъ норматив-укъукъий актлар топламы, 2006 с., №2, 23 мад.) тасдикълангъан Къырым Мухтар Джумхуриетининъ эалиси 2006-2007 сенелери ишнен теминленмеси Программасына ашагъыдаки денъишмелер кирсетильсин:

1.1. II болюкте:

2.1 пунктта:

отуз биринджи сатырбашы янъы тарирде арз этильсин:

«Вакъиаларнынъ огюнден тариф этильмесине коре, шахсий тешеббюсчилик ве озь-озюни ишнен теминлев саасында 2006 сенеси 29,7 бинъ адам, 2007 сенеси — 28,1 бинъ адам  иш фаалиетини башлайджакъ»;

2.3 пунктта:

учюнджи сатырбашы янъы тарирде арз этильсин:

«Кичкене шеэрлерде икътисадият сааларында 2006-2007 сенелери 700 адамны ишнен теминленмеси козьде тутула. Шахсий тешеббюсчилик саасында къошма оларакъ 3400 якъын адам ишнен теминленеджек»;

2.6 пунктта:

экинджи сатырбашында «2005 сенесининъ севиесинде сакъланыладжакъ» сёзлери «2005 сенесинен тенъештиргенде артаджакъ» сёзлерине денъиштирильсин;

дёртюнджи сатырбашында «ве джемаат» сёзлери чыкъарылсын;

2.8 пунктта:

учюнджи сатырбашында «34,4» сайысы «36,9» сайысына денъиштирильсин;

дёртюнджи сатырбашы янъы тарирде арз этильсин:

«ишнен теминлев меркезлери вастасы иле бошагъан ве янъы иш ерлерине 2006 сенеси ве 2007 сенеси йылына нисбетен 39,1 бинъ адам ве 38,5 бинъ адам ишке кирсетильсин, шу джумледен эр сене броньленген иш ерлерине 2,8 бинъер адам, мевсим иш ерлерине — 4 бинъге якъын адам»;

бешинджи сатырбашында «8,9 бинъ адам ичюн» сёзлери «2006 сенеси 9,9 бинъ адам ичюн, 2007 сенеси — 8,9 бинъ адам ичюн» сёзлерине денъиштирильсин.

1.2. VII болюкте:

джедвельнинъ III болюги янъы тарирде арз этильсин (иляве этиле).

1.3. Программанынъ 1-нджи джедвелинде:

13-нджи сатырда «34,4» сайысы «36,9» сайысына денъиштирильсин.

1.4. Программанынъ 3-нджи джедвелинде:

4-нджи сатырда «38450» сайысы «39070» сайысына денъиштирильсин;

5-нджи сатырда «36575» сайысы «35955» сайысына денъиштирильсин;

1.5. Программанынъ 4-нджи джедвели янъы тарирде арз этильсин (иляве этиле) *.

1.6. Программанынъ 5-нджи джедвелинде:

1-нджи сатырда «38450» сайысы «39070» сайысына денъиштирильсин;

1.1 сатырда «36535» сайысы «37155» сайысына денъиштирильсин;

2-нджи сатырда «8320» сайысы «8650» сайысына денъиштирильсин;

4-нджи сатырда «8920» сайысы «9850» сайысына денъиштирильсин.

1.7. Программанынъ 5.1 джедвели янъы тарирде арз этильсин (иляве этиле) *.

2. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.

3. Мезкюр Къарар къабул этильген кунюнден арекетке кире.