Украина Назирлер Кабинети 2006 сенеси 12-июньде 396-р санлы буйругъынен алгъышлагъан 2006-2010 сенелерине тасиль инкишафы Девлет программасынынъ Концепциясына, Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1-нджи пунктына ве Къырым Мухтар Джумхуриети Юкъары Радасынынъ 2005 сенеси 24-декабрьде къабул олунгъан «Къырым Мухтар Джумхуриетинде тасиль ве илимнинъ меселелери ве инкишаф перспективалары акъкъында» 1535-4/05 санлы Укюмине бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде 2012 сенесине къадар девирге тасильнинъ инкишафы Концепциясы тасдикълансын (иляве этиле)*.
2. Мезкюр къарарнынъ эда этильмеси незарети Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 сенеси, октябрь 18, № 215-5/06 |