КъМДж ЮР Къарары

ОБЪЕКТЛЕРНИНЪ ЕРЛЕШЮВ ЕРЛЕРИ МАТЕРИАЛЛАРЫНЫНЪ УЙГЪУНЛАШТЫРЫЛМАСЫ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1, 31-нджи пунктлары, Украина Топракъ кодексининъ 7-нджи маддесине ве 151 маддесиндеки 9-нджы къысмына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Объектлернинъ ерлешюв ерлери материаллары уйгъунлаштырылсын:

1.1. «Аммонит» месулиети сынъырлангъан джемиетине — Красная Поляна кой шурасынынъ (Черномор районы) ихтият топракъларында (1,0 га) УКПГ ичюн лейихасы япылгъан истисал мейданчыгъынынъ къуруджылыгъы ве хызмет косьтерюви ичюн.

1.2. «Аммонит» месулиети сынъырлангъан джемиетине — Красная Поляна кой шурасынынъ (Черномор районы) ихтият топракъларында (43,069 га) Красная Поляна газ конденсаты ер догъумынынъ УКПГ мейданчыгъындан «Къараденъизермайгаз» ДАДж газкечирюв агъына газ кечириджиси япылмасы ве хызмет косьтерюви ичюн.

1.3. «Борисфен» месулиети сынъырлангъан джемиетине — Окуневка кой шурасынынъ (Черномор районы) ихтият топракъларында (0,3 га) сагъламлаштырув комплексининъ къуруджылыгъы ве къулланмасы ичюн.

1.4. «ТОБО» месулиети сынъырлангъан джемиетине — Алушта девлет дагъ ходжалыгъы ишханесининъ топракъларында (0,4 га) (Малый Маяк кой шурасы, Алушта ш.) рекреацион ве туристик макъсады ичюн.

1.5. Тешеббюсчилик фаалиети субьекти олгъан Къуртнезиров Рефат Сеит-Аблагъа — Курское кой шурасынынъ (Белогорск районы) ихтият топракъларында (0,1 га) автотолдурув станциясынынъ ерлештирюви ичюн.

1.6. Тешеббюсчилик фаалиети субьекти олгъан Османова Гульнар Рефатовнагъа — Лесное кой шурасынынъ (Сакъ районы) ихтият топракъларында (1,0 га) медениет-сагъламлаштырув комплексининъ къуруджылыгъы ичюн.

1.7. «Къараденъизермайгаз» девлет акционер джемиетине — Марфовка кой шурасынынъ (Ленин районы) ихтият топракъларында (0,8 га) ве Горностаевка кой шурасынынъ (Ленин районы) ихтият топракъларында (0,04 га) Фонтаны газ конденсаты ер догъумынынъ абаданлаштырувы ичюн къошма бужарлар ве онъа алып баргъан ёлларнынъ ерлештирмесине.

1.8. «Прогресс» япыкъ акционер джемиетине — «Грушевская» агрофирмасы ачыкъ акционер джемиетининъ (Грушевка кой шурасы, Судакъ ш.) топракъларында (5,32 га) туристик-спорт базасынынъ ерлештирюви ве Шахмурза тыйнагъына хызмет косьтерюви ичюн.

1.9. «Къырымякъарлыкъэнергосервис» месулиети сынъырлангъан джемиетине — Мысово кой шурасынынъ (Ленин районы) топракъларында (35,0 га) ерлешкен Акъташ ер май ве газ ер до­гъумыны абаданлаштырувы ве къулланмасы ичюн.

1.10. «Нефтегаз Украины» Миллий акционер компаниясынынъ таби къысмы олгъан «Укр­трансгаз» компаниясына — «Коктебель» маркалы шараплар ве коньяклар заводы» ЯАДж топракъларында Щебетовка къасаба шурасынынъ (0,3423 га) (Феодосия ш.) яшалгъан ерлери сынъырларындан тыш ерде уфюрильген свеча, ДУ-150 краны, ГТС меданчыгъы ве онъа алып баргъан ёлнынъ ерлештирильмеси ичюн.

1.11. «Нефтегаз Украины» Миллий акционер компаниясынынъ таби къысмы олгъан «Укр­трансгаз» компаниясына — «Коктебель» маркалы шараплар ве коньяклар заводы» ЯАДж кой хо­джалыкъ эмиети олгъан топракъларында Коктебель ве Щебетовка къасаба шураларынынъ (0,0114 га) (Феодосия ш.) яшалгъан ерлери сынъырларындан тыш ерде Щебетовка коюне газ кечириджи-чыкъарыджынынъ катод къорчалавы системининъ эки иншааты, ёлакънен юрген кран, ДУ-150 краны ерлештирмеси ичюн.

1.12. «Нефтегаз Украины» Миллий акционер компаниясынынъ таби къысмы олгъан «Укр­трансгаз» компаниясына — «Феодосия шараплар ве коньяклар заводы» ЯАДж кой ходжалыкъ эмиети олгъан топракъларында Насып кой шурасынынъ (0,0505 га) (Феодосия ш.) яшалгъан ерлери сынъырларындан тыш ерде Щебетовка коюне газ кечириджи-чыкъарыджынынъ кочюрюв меркези ве катод къорчалавы системининъ къурмасы ичюн.

1.13. «Нефтегаз Украины» Миллий акционер компаниясынынъ таби къысмы олгъан «Укр­трансгаз» компаниясына — «Судакъ» Девлет ишханесининъ кой ходжалыкъ эмиети олгъан топракъларында ве Дачное кой шурасынынъ (Судакъ ш.) ихтият топракъларында (0,9158 га) Судакъ шеэрине газ кечириджи-чыкъарыджынынъ эки къаравул краны, операторлар эвлери, катод къорчалавы системининъ иншааты, газ такъсимлейиджи станциясы ве онъа алып баргъан ёлнынъ ерлештирмеси ичюн.

2. Мезкюр Къарар къабул этильген кунюнден арекетке кире.