«Автомобиль накълиеси акъкъында» Украина Къанунынынъ 14-нджи маддесине бинаен, умумий къулланувда олгъан автомобиль накълиесинде пассажирлер ташымасы ичюн ярышларнынъ адарлы кечирмесинен багълы меселелернинъ аджеле чезильмеси макъсадынен,
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2006 сенеси 21-июньде къабул олунгъан «Къырым Мухтар Джумхуриетининъ сынъырларындан тыш чыкъмагъан умумий файдаланувда олгъан шеэрлерара ве шеэр этрафына барып кельген автобус маршрутларынынъ агъы тасдикъланмасы акъкъында» 112-5/06 санлы Къарарына (Къырым Мухтар Джумхуриетининъ норматив-укъукъий актлар топламы, 2006 с., № 6, 405 мад.) ашагъыдаки денъишмелер кирсетильсин:
мезкюр мундериджели 2-нджи пунктнен текмилленсин;
«2. Къырым Мухтар Джумхуриетининъ сынъырларындан тыш чыкъмагъан умумий файдаланувда олгъан шеэрлерара ве шеэр этрафына барып кельген автобус маршрутларынынъ паспортларыны тасдикъламасы боюнджа «Автомобиль накълиеси акъкъында» Украина Къанунынынъ 14-нджи маддеси козьде туткъан Къырым Мухтар Джумхуриети Юкъары Радасынынъ векялетчилиги Къырым Мухтар Джумхуриетининъ Назирлер Шурасына теслим этильсин.
Паспортларнынъ тасдикъланмасы Къырым Мухтар Джумхуриети Юкъары Радасынынъ санайы, къуруджылыкъ, накълие, алякъа ве якъарлыкъ-энергетика комплекси боюнджа Даимий комиссиясы иле уйгъунлаштырылгъан сонъ эда этильсин»;
2-6 пунктлар нисбетен 3-7 пунктлар киби сайылсын;
3-нджи пункт мезкюр мундериджели 3.5 пунктастынен текмилленсин:
«3.5. Арекетте олгъан къанунджылыкъ козьде туткъан тертип ве муддет ичинде Къырым Мухтар Джумхуриетининъ сынъырларындан тыш чыкъмагъан умумий файдаланувда олгъан шеэрлерара ве шеэр этрафына барып кельген автобус маршрутларынынъ паспортларынынъ берильмеси тешкилятландырылсын».
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 сенеси, сентябрь 22, № 184-5/06 |