Украина анаясасынынъ 137-нджи маддесиндеки 1-нджи къысмынынъ 8-нджи пунктына, Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 1, 2-нджи пунктлары, 26-нджы маддесиндеки 2-нджи къысмынынъ 1, 31-нджи пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки 1-нджи къысмынынъ 8-нджи пунктына, «Айванат дюньясы акъкъында» Украина Къанунынынъ 15‑нджи маддесине эсасланаракъ ве «Авджылыкъ ходжалыгъы ве авджылыкъ акъкъында» Украина Къанунынынъ 9, 21, 22-нджи мадделерине бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 1997 сенеси 19-июньде къабул олунгъан «Авджылыкъ арсаларыны вакътынджа чокъ муддетли къулланувгъа берильмеси акъкъында» 1229-1 санлы Къарарынынъ Илявесине (Къырым Джумхуриетининъ къанунджылыкъ джыйынтыгъы, 1997 с., № 6, 399 мад., № 11, 783 мад.; Къырым Мухтар Джумхуриетининъ норматив-укъукъий актлар топламы, 1999 с., № 2, 110 мад., № 6, 581 мад., № 8, 847 мад.; 2001 с., № 11, 1220 мад.; 2002 с., № 7, 597 мад.; 2004 с., № 10, 895 мад.) ашагъыдаки денъишмелер кирсетильсин:
1-нджи пункт мезкюр мундериджели 1.7 пунктастынен текмилленсин:
«1.7. Раздольное девлет дагъ ходжалыгъы ишханесине (ОКПО 00992361) — Суворово кой шурасынынъ (Армянск ш.) сынъырларында 9,3 бинъ га мейданлыгъы колеминде авджылыкъ арсасы 25 йыл муддетине»;
4-нджи пунктнынъ 4.5 пунктасты янъы тарирде арз этильсин:
«4.5. КъДжАБТ Совет район тешкилятына (ОКПО 25143924):
Совет районынынъ мемурий сынъырларында 75,9 бинъ га мейданлыгъы колеминде авджылыкъ арсасы;
Некрасово кой шурасынынъ (Совет районы) топракъларында ерлешкен 1,9 бинъ га (къошма оларакъ) мейданлыгъы колеминде авджылыкъ арсасы 16 йыл муддетине, шу джумледен 1,7 бинъ га сув-батакъ арсасы, ве Урожайное кой шурасынынъ (Совет районы) топракъларында ерлешкен 0,2 бинъ га сув-батакъ арсасы (Алексий белинден Киров районынынъ сынъырына къадар ялы бою)».
2. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ аграр ве топракъ меселелери, экология ве табиаттан анълакъсал файдаланув боюнджа Даимий комиссиясына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 сенеси, сентябрь 22, № 182-5/06 |