Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 11-нджи пунктына, Украина Назирлер Кабинетининъ 2006 сенеси 1-февральде къабул этильген «2006—2010 сенелерине архив ишининъ инкишафы Девлет программасынынъ тасдикъланмасы акъкъында» 92 санлы Къарарына бинаен, эм де Къырым Мухтар Джумхуриетиндеки архив муэссиселеринде сакъланылгъан весикъаларнынъ сакъламасы, къошувы ве ишлетмеси ичюн керекли шараитлер яратмакъ макъсадынен,
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде 2007—2010 сенелерине архив ишининъ инкишафы программасы тасдикълансын (иляве этиле).
2. Къырым Мухтар Джумхуриетиндеки Девлет архиви эр йыл эсабат этильген йылдан сонъ кельген йылнынъ 15-январына къадар Къырым Мухтар Джумхуриетининъ Юкъары Радасына Къырым Мухтар Джумхуриетинде 2007—2010 сенелерине архив ишининъ инкишафы программасынынъ эда этильмеси кетишаты акъкъында эсабат берсин.
3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 сенеси, сентябрь 22, № 179-5/06 |