КъМДж ЮР Къарары

КЪЫРЫМ МУХТАР ДЖУМХУРИЕТИНДЕ 2006-2010 СЕНЕЛЕРИНЕ ДЖИНАЕТЧИЛИКНИНЪ ОГЮНИ АЛУВ БОЮНДЖА ТЕДБИРЛЕР АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 1-нджи пунктына, 26-нджы маддесиндеки 2-нджи къысмынынъ 1, 13-нджи пунктына бинаен,  Къырым Мухтар Джумхуриетинде къанунджылыкъ ве укъукъ тертибини пекитмек макъсадынен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетинде 2006-2010 сенелерине джинаетчиликнинъ огюни алув боюнджа тедбирлер  тасдикълансын (иляве этиле).

2. Къырым Мухтар Джумхуриети Назирлер Шурасы  Къырым Мухтар Джумхуриетининъ 2006-2010 сенелерине бюджет лейихаларыны азырлагъанда эр йыл юкъарыда анъылгъан тедбирлерни омюрге кечирмек ичюн керекли пара васталарыны козьде тутсын.

3. Къырым Мухтар Джумхуриетининъ 2006 сенесине бюджетинде Къырым Мухтар Джумхуриетинде джинаетчиликнинъ огюни алув боюнджа тедбирлернинъ эда этильмесине козьде тутул­гъан тахсислерни Къырым Мухтар Джумхуриетининъ 2006-2010 сенелери джинаетчиликнинъ огюни алув боюнджа тедбирлернинъ эда этиджилери арасында такъсимленюви тасдикълансын:

Украина Девлет сынъыр хызметининъ Азакъ-Къара денъиз региональ идареси — 300,0 бинъ грн.;

Къырым Мухтар Джумхуриетинде Украина хавфсызлыгъы Хызметининъ Баш идареси — 300,0 бинъ грн.;

Къырым Мухтар Джумхуриетининъ Прокуратурасы — 300,0 бинъ грн.;

Къырым Мухтар Джумхуриетинде Украина девлет махкеме мемуриети идареси — 300,0 бинъ грн.;

Къырым Мухтар Джумхуриетинде джезаны эда этюв меселелери боюнджа Украина Девлет департаментининъ Идареси — 300,0 бинъ грн.;

Къырым Мухтар Джумхуриетинде Украина ички ишлер Назирлигининъ Баш идареси — 2520,0 бинъ грн.;

Къырым Мухтар Джумхуриетинде Украина ички ишлер Назирлигининъ Баш идареси янында ильмий-тедкъикъий эксперт-криминалистика меркези  — 500,0 бинъ грн.;

Украина ички ишлер Назирлигининъ ички ордусы Къырым территориаль команданлыгъынынъ Идареси — 310,0 бинъ грн.;

Къырым Мухтар Джумхуриетинде Украина ички ишлер Назирлигининъ Баш идареси янында махкеме милициясынынъ «Грифон» махсус батальоны — 120,0 бинъ грн.;

Харьков Миллий ички ишлер университетининъ Къырым адлие институты — 50,0 бинъ грн.

4. Къырым Мухтар Джумхуриетинде мааллий озь-озюни идаре этюв органларына мааллий бюджетлерини шекиллендиргенде юкъарыда анъылгъан тедбирлернинъ омюрге кечирмек ичюн пара васталары козьде тутулмасы тевсие этильсин.

5. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ укъукъий меселелери, укъукъий тертип ве февкъульаде вазиетлер боюнджа Даимий комиссиясына авале этильсин.

6. Мезкюр Къарар къабул этильген кунюнден арекетке кире.