Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 2 ве 9-нджи пунктларына, 26-нджы маддесиндеки 2-нджи къысмынынъ 31-нджы пунктына эсасланаракъ эм де Украина Назирлер Кабинетининъ 2006 сенеси 20-февральде къабул олунгъан 168 санлы Къарарынен тасдикълангъан ер асты байлыкъларындан файдаланмакъ ичюн 2006 сенеси махсус изинлернинъ берильмеси Тертибине ве Украина Назирлер Кабинетининъ 2006 сенеси 20-февральде къабул олунгъан 167 санлы Къарарынен тасдикълангъан ер асты байлыкъларындан файдаланмакъ ичюн махсус изинлернинъ сатув аукционларыны кечирюв Тертибининъ 3-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Объект ерлешкен ерине коре аукцион гъалиплерини джедвельге кирмек шарты иле Къырым Мухтар Джумхуриетининъ Черномор районы Межводное коюнден дженюп-гъарп тарафында ерлешкен Джарылгъач голюнден шифалы саз ве рапа ихтиятыны амелий-истисал ишлеп чыкъарув имкяны олгъаныны геолоджи огренмеси боюнджа ишлер алып бармакъ макъсадынен ер асты байлыкъларындан файдаланмакъ ичюн махсус изинлернинъ аукцион вастасы иле сатылмасы уйгъунлаштырылсын.
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 сенеси, сентябрь 22, № 176-5/06 |