Къырым Мухтар Джумхуриети Анаясасынынъ 18-нджи маддесиндеки 3-нджи къысмына, 26‑нджы маддесиндеки 2-нджи къысмынынъ 36-нджы пунктына ве Къырым Мухтар Джумхуриети Юкъары Радасынынъ 1998 сенеси 24-декабрьде къабул олунгъан 315-2/98 санлы Къарарынен тасдикълангъан Къырым Мухтар Джумхуриетининъ векялетли ве иджра акимиети Украина регионлары иле эм де четэль мемлекетлерининъ регионларынен ичтимаий-икътисадий ве медений сааларда ишбирлик акъкъында мукъавелелернинъ азырлав, имзалав, омюрге кечирюв ве арекетини токътатув тертиби акъкъында Низамнамесине бинаен, Къырым Мухтар Джумхуриети (Украина) ве Хайнань виляети (Къытай Халкъ Джумхуриети) арасында ишбирликни илериде инкишаф этмек макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети (Украина) ве Хайнань виляетининъ Укюмети (Къытай Халкъ Джумхуриети) арасында тиджарет-экономик, ильмий-техника ве медений ишбирлик мукъавелеси тасдикълансын (иляве этиле).
2. Мезкюр Мукъавеленинъ эда этильмеси незарети Къырым Мухтар Джумхуриети Назирлер Шурасы ве Къырым Мухтар Джумхуриети Юкъары Радасынынъ тыш икътисадий алякъалар, тиджарет ве тешеббюсчилик боюнджа Даимий комиссиясына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 сенеси, сентябрь 22, № 174-5/06 |