Новый Свет шчкъ-гъа (Судакъ ш.) алып баргъан газ кечириджи ве Азовское шчкъ-гъа (Джанкой районы) газ кечириджи-чыкъарыджынынъ къуруджылыгъы боюнджа юзь берген вазиетни эм де Къырым Мухтар Джумхуриети Прокурорынынъ 2006 сенеси 6-апрельде «Къырым Мухтар Джумхуриети Юкъары Радасынынъ 22.02.06-да къабул олунгъан 1588-4/06 Къарарынынъ 3-нджи пункты Украина Топракъ кодексининъ талапларына уймагъаны акъкъында» 7/1-517чыкъ./06 такъдимини бакъкъан сонъ,
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ Назирлер Шурасы тайинлеген тертип боюнджа озь топлашувларында Новый Свет шчкъ-гъа (Судакъ ш.) алып баргъан газ кечириджи ве Азовское шчкъ-гъа (Джанкой районы) газ кечириджи-чыкъарыджынынъ къуруджылыгъына мувафыкъ музакерелер ве изинлер иле топракъ дамартылары айырув лейихалары акъкъындаки меселелер боюнджа къарар къабул этсин.
2. Къырым Мухтар Джумхуриети Юкъары Радасынынъ санайы, къуруджылыкъ, накълие, алякъа ве якъарлыкъ-энергетика комплекси боюнджа Даимий комиссиясы Къырым Мухтар Джумхуриетининъ Назирлер Шурасы мезкюр Къарарнынъ 1-нджи пунктында анъылгъан къарарны къабул эткен сонъ Къырым Мухтар Джумхуриети Юкъары Радасынынъ 2006 сенеси 22-февральде къабул олунгъан «Новый Свет шеэр чешитиндеки къасабагъа (Судакъ ш.) алып баргъан газ кечириджи агълар ве Азовское шеэр чешитиндеки къасабагъа (Джанкой районы) алып баргъан газ кечириджи-чыкъарыджы агълар къуруджылыгъыны тезлештирмек ичюн базы тедбирлер акъкъында» 1588-4/06 санлы Къарарынынъ 3-нджи пункты лягъу этильмеси акъкъында Къырым Мухтар Джумхуриети Юкъары Радасынынъ къарары лейихасыны Къырым Мухтар Джумхуриети Юкъары Радасынынъ пленар топлашувларына кирсетсин.
3. «Джанкой-Феодосия-Керчь» магистраль газ кечириджининъ къуруджылыгъы ве къулланувы боюнджа Дирекциясы, топракъ ихтияты боюнджа Къырым Мухтар Джумхуриетининъ джумхурий комитети, Судакъ шеэр шурасынынъ иджра акимиети, Новый Свет къасаба шурасы, Джанкой район мемуриетине Новый Свет шчкъ-гъа (Судакъ ш.) алып баргъан газ кечириджи ве Азовское шчкъ-гъа (Джанкой районы) газ кечириджи-чыкъарыджынынъ къуруджылыгъына мувафыкъ музакерелер ве изинлер иле топракъ дамартылары айырув акъкъында меселелери боюнджа весикъалар азырлав ве къарарлар къабул этюв тезлештирильмеси тевсие этильсин.
4. Къырым Мухтар Джумхуриети Юкъары Радасынынъ 2006 сенеси 22-февральде къабул олунгъан «Новый Свет шеэр чешитиндеки къасабагъа (Судакъ ш.) алып баргъан газ кечириджи агълар ве Азовское шеэр чешитиндеки къасабагъа (Джанкой районы) алып баргъан газ кечириджи-чыкъарыджы агълар къуруджылыгъыны тезлештирмек ичюн базы тедбирлер акъкъында» 1588-4/06 санлы Къарарына (Къырым Мухтар Джумхуриетининъ норматив-укъукъий актлар топламы, 2006 с., № 2, 28 мад.) ашагъыдаки денъишмелер кирсетильсин:
2-нджи пунктнынъ 2.1 пунктастында «2006 сенеси 6-июль» сёзлери «2006 сенеси 20-октябрь» сёзлерине денъиштирильсин.
5. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ санайы, къуруджылыкъ, накълие, алякъа ве якъарлыкъ-энергетика комплекси боюнджа Даимий комиссиясына авале этильсин.
6. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 сенеси, сентябрь 22, № 171-5/06 |