Къырым Мухтар Джумхуриети Анаясасынынъ 26-нджы маддесиндеки 2-нджи къысымынынъ 1, 31-нджи пункты, Украина Топракъ кодексининъ 151 маддесиндеки 9-нджы къысымынынъ ве 7-нджи маддесине бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Объектлернинъ ерлешюв ерлери малюматлары уйгъунлаштырылсын:
1.1. «Украэрорух» Украина ава арекети хызмети девлет ишханесининъ «Крымаэрорух» региональ къурум болюгине — УАИА дженюбий себзеджилик ве бостанджылыкъ Институтынынъ Къырым себзеджилик амелий станциясынынъ топракъларында (1,0 га) (Укромное кой шурасы, Симферополь районы) автодуракъ ве онъа алып баргъан ёлнынъ ерлештирильмеси ичюн.
1.2. «Шаркъкъуруджылыкъ» Ильмий-истисал ишханеси месулиети сынъырлангъан джемиети — Дуброво кой шурасынынъ ихтият топракъларында (1,5 га) (Симферополь районы) кучук данели бетон махсулаты истисалы боюнджа цех ерлештирильмеси ичюн.
1.3. Тешеббюсчилик фаалиети субьекти олгъан Луданная Людмила Ивановнагъа — Лесное кой шурасынынъ ихтият топракъларында (0,5 га) (Сакъ районы) автокемпинг ерлештирильмеси ичюн.
1.4. Тешеббюсчилик фаалиети субьекти олгъан Шпарева Наталья Александровнагъа — Лесное кой шурасынынъ ихтият топракъларында (0,5 га) (Сакъ районы) автокемпинг ерлештирильмеси ичюн.
1.5. «Коммунальник» Коммуналь ишханесине — «Днепрбою демирёлу» Девлет ишханесининъ топракъларында (0,01 га) (Лесное кой шурасы, Сакъ районы) ве Лесное кой шурасынынъ ихтият топракъларында (19,99 га) (Сакъ районы) онъа алып баргъан ёл иле шеэр мезарлыгъы ерлештирильмеси ичюн.
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 с., июль 21, № 146-5/06 |