КъМДж ЮР Къарары

МААЛЛИЙ ЭМИЕТИ ОЛГЪАН ЕРАСТЫ БАЙЛЫКЪЛАРЫНЫ ИШЛЕП ЧЫКЪАРЫЛМАСЫ ИЧЮН ДАГЪ ДАМАРТЫЛАРЫ ТАКЪДИМ ЭТИЛЬМЕСИ АКЪКЪЫНДА

Украина Анаясасынынъ 137-нджи маддесиндеки 1-нджи къысымынынъ 2-нджи пункты, Къырым Мухтар Джумхуриети Анаясасынынъ 26-нджы маддесиндеки 2-нджи къысымынынъ 31-нджи пункты, 18-нджи маддесиндеки 1-нджи къысымынынъ 2 ве 9-нджы пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки 1-нджи къысымынынъ 2-нджи пунктына эсасланаракъ, ерасты байлыкълары акъкъында Украина Кодексининъ 17-нджи маддесине, 9-нджы маддесиндеки 1-нджи пунктына ве 1995 сенеси 27-январьда Украина Назирлер Кабинетининъ 59 санлы Къарарынен тасдикълангъан дагъ дамартылары такъдим этюв тертиби акъкъында Низамнамесине бинаен,

Къырым Мухтар Джумхуриетининъ Юкъары Радасы  к ъ а р а р  б е р е:

1. Мааллий эмиети олгъан ерасты байлыкъларыны ишлеп чыкъармасы ичюн:

1) «Таврида» корпорациясына (Симферополь ш.) — 2004 сенеси 1-ноябрьде (2024 сенеси 1-ноябрьгедже) берильген ерасты байлыкъларындан файдаланмакъ ичюн 3486 санлы махсус изиннаменинъ арекет этюв муддети ичинде Симферополь ш. дженюп-шаркъ кенарында ерлешкен ве умумен 9,65 га ерни алгъан Марьино тола хаммал (саз) ердогъумынынъ сонъунадже теткъикъат дамартысынынъ ишлеп чыкъарылмасы ичюн;

2) «Карьер «Оползневое» (Симферополь ш.) месулиети сынъырлангъан джемиетине — 2001 сенеси 1-февральде (2011 сенеси 1-февральгедже) берильген ерасты байлыкъларындан файдаланмакъ ичюн 2366 санлы махсус изиннаменинъ арекет этюв муддети ичинде чакъыл ве бут ташы ишлеп чыкъарылмасына кечеджек эвель токъунмакънен бозулгъан къабурчакъташларнынъ чыкъарылмасынен Оползневое к. шималий гъарбына 3 км месафедеки Ялта дагъ-орман къоругъынынъ топракъларында ерлешкен умумий дамартысы 6,7 га олгъан мермер шекилли къабурчакъташларнынъ карьерини дагъ-техникий янъыдан тикленильмеси ичюн;

3) «Белогорск карьер идареси» (Белогорск ш.) месулиети сынъырлангъан джемиетине — 2005 сенеси 9-декабрьде (2015 сенеси 9-декабрьгедже) берильген ерасты байлыкъларындан файдаланмакъ ичюн 3710 санлы махсус изиннаменинъ арекет этюви муддети ичинде Белогорск районында ерлешкен умумий мейданлыгъы 25,2 га олгъан мермер шекилли Ульяновск ердогъу­мыны ишлетмеси ичюн

дагъ дамартылары такъдим этильсин.

2. «Къырым карьер идареси» коллектив ишханеси Симферополь районында ерлешкен мейданлыгъы 15,84 га олгъан диабазлар Петропавловск ердогъумыны, ве Киров районында ерлешкен 34,14 га мейданлыкъ алгъан мермер шекилли къабурчакъларнынъ Шаркъ Агъармыш ердогъумыны ишлетмеси ичюн ишханенинъ ады денъишкени себебинден дагъ дамартыларыны янъыдан ресмийлерштирсин.

3. «Таврида» корпорациясына, «Карьер «Оползневое» месулиети сынъырлангъан джемиетине, «Белогорск карьер идареси» месулиети сынъырларгъан джемиетине ве «Къырым карьер идареси» коллектив ишханесине тесбит этильген нумюнеге эсасланаракъ дагъ дамартылары такъдим этильмеси акъкъында актлар берильсин.

4. «Таврида» корпорациясы, «Карьер «Оползневое» месулиети сынъырлангъан джемиети, «Белогорск карьер идареси» месулиети сынъырлангъан джемиети ве «Къырым карьер идареси» коллектив ишханеси тесбит этильген тертипте мааллий эмиети олгъан файдалы къазымтылар ердогъумларынынъ ишлетмеси ичюн такъдим этильген дагъ дамартыларыны дагъ незарети девлет органларында ресмийлештирсинлер.

5. Дагъ дамартыларыны такъдим этильмеси акъкъында актлар ве дагъ дамартыларынынъ лейихаларынынъ экинджи нусхалары «Дженюпэкогеомеркез» Укюмет ишханесининъ геохабернен теминлев ве ер байлыкъларындан файдаланмакъ меселелери болюгине эманет этильсин.

6. Мезкюр Къарар къабул этильген кунюнден арекетке кире.