КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ ДЖУМХУРИЕТ, КЪАРЫШЫКЪ ТЕМЕЛЛИ САЛЫМЛАР ЭСАБЫНДАН МАЛИЕНЕН ТЕМИНЛЕНГЕН ОБЪЕКТЛЕР ДЖЕДВЕЛИНИНЪ ШЕКИЛЛЕНМЕСИНЕ ДАИР БАЗЫ КЪАРАРЛАРГЪА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 38-нджи маддесине, 26-нджы маддесиндеки 2-нджи къысымынынъ 1-нджи пункты, 18-нджи маддесиндеки 1-нджи къысымынынъ 10-нджы пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2004 сенеси 20-октябрьде къабул олунгъан 1087-4/04 санлы Къарарынен (Къырым Мухтар Джумхуриетининъ норматив-укъ­укъий актлар топламы, 2004 с., № 10, 883 мад., №12, 1082 мад.) тасдикълангъан Къырым Мухтар Джумхуриети бюджети эсабындан темелли къуруджылыкъ объектлерининъ малиенен теминлеви ве битирильген къуруджылыкъ объектлерни ходжалыкъ субъектлернинъ къулланувына теслим этюв тертиби акъкъында Низамнамеге ашагъыдаки денъишмелер кирсетильсин:

2-нджи пунктта:

2.4 пунктастында «аит йылгъа Къырым Мухтар Джумхуриетининъ ичтимаий-икътисадий инкишафы Программасынынъ лейихасына кирсетильсин» сёзлери чыкъарылсын;

2.5 пунктасты янъы тарирде арз этильсин:

«2.5. Джумхуриет, къарышыкъ темелли салымлар эсабындан малиенен теминленген объект­лер джедвелини Къырым Мухтар Джумхуриетининъ аит йылгъа бюджетини Къырым Мухтар Джумхуриетининъ Юкъары Радасы тасдикълагъан сонъ Къырым Мухтар Джумхуриетининъ Назирлер Шурасы тасдикълай»;

2.6 пунктастында «аит йылгъа Къырым Мухтар Джумхуриетининъ ичтимаий-икътисадий инкишафы Программасына денъишмелер ве текмилленювлер Къырым Мухтар Джумхуриетининъ Назирлер Шурасы тешеббюсинен кирсетиле ве Къырым Мухтар Джумхуриетининъ Юкъа­ры Радасы тарафындан тасдикълана» сёзлери чыкъарылсын.

2. Къырым Мухтар Джумхуриети Юкъары Радасынынъ 2006 сенеси 22-февральде къабул олунгъан «Къырым Мухтар Джумхуриетининъ 2006 сенесине бюджети акъкъында» 1579-4/06 санлы Къарарына (Къырым Мухтар Джумхуриетининъ норматив-укъукъий актлар топламы, 2006 с., №2, 19 мад., № 6, 394 мад.) ашагъыдаки денъишмелер кирсетильсин:

19-нджы пунктта:

1-нджи сатырбашында «Къырым Мухтар Джумхуриети Назирлер Шурасы шекиллендире» сёзлери «Къырым Мухтар Джумхуриети Назирлер Шурасы тарафындан шекиллендириле ве тасдикълана» сёзлерине динъиштирильсин;

2-нджи абзац чыкъарылсын.