КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ САИПЛЕШТИРЮВ МЕСЕЛЕЛЕРИ БОЮНДЖА НЕЗАРЕТ КОМИССИЯСЫ АКЪКЪЫНДА

«Девлет ишханелери мулькюнинъ саиплештирюви акъкъында» Украина Къанунынынъ 10-нджы маддесиндеки 3-нджи къысымына, Къырым Мухтар Джумхуриети Анаясасынынъ 26-нджы маддесиндеки 2-нджи къысымынынъ 17-нджи пункты, 32-нджи маддесиндеки 3-нджи къысымына, «Къырым Мухтар Джумхуриети Юкъары Радасы акъкъында»ки Украина Къанунынынъ 15-нджи маддесиндеки 6-нджы къысымы ве 9-нджы маддесиндеки 2-нджи къысымынынъ 18-нджи пунктына, Къырым Мухтар Джумхуриети Юкъары Радасы Регламентининъ 74-нджи маддесине бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ саиплештирюв меселелери боюнджа Къырым Мухтар Джумхуриети Юкъары Радасынынъ даимий комиссиясы статусынен Незарет комиссиясы яратылсын.

2. Къырым Мухтар Джумхуриети Юкъары Радасынынъ 2002 сенеси 20-ноябрьде къабул олунгъан 335-3/02 санлы Къарарынен (Къырым Мухтар Джумхуриетининъ норматив-укъукъий актлар топламы, 2002 с., № 11, 1172 мад.) тасдикълангъан Къырым Мухтар Джумхуриети Юкъа­ры Радасынынъ саиплештирюв меселелери боюнджа Незарет комиссиясы акъкъында Низамнамеге ашагъыдаки денъишмелер кирсетильсин:

1-нджи пунктнынъ 1.1 пунктастында:
«олмакъта» сёзюнден сонъ «даимий арекетте олгъан» сёзлеринен текмилленсин;
мезкюр мундериджели сатырбашынен текмилленсин:

«Комиссиянынъ Къырым Мухтар Джумхуриети Юкъары Радасынынъ даимий комиссиясы статусы бар»;
2-нджи пункт янъы тарирде арз этильсин:

«2. Комиссиянынъ шекиллендирюв тертиби.

2.1. Комиссиянынъ эркяны Къырым Мухтар Джумхуриети Юкъары Радасы тарафындан депутатларнынъ шахсий истегине эсасланаракъ ве секизден эксик эм де он бештен зияде олмагъан микъдарда сечиле.

2.2. Комиссиянынъ эркянына Комиссиянынъ реиси, онынъ муавини, кятиби, Комиссия азалары кирелер.

2.3. Комиссия эркянына Къырым Мухтар Джумхуриети Юкъары Радасынынъ Реиси ве онынъ муавинлери кирип оламайлар.

2.4. Комиссиянынъ реиси Къырым Мухтар Джумхуриети Юкъары Радасынынъ Реиси такъдим этмесинен Къырым Мухтар Джумхуриети Юкъары Радасында сайланыла. Комиссия реиси сайланмасы акъкъында Къырым Мухтар Джумхуриетининъ Юкъары Радасы Укюм чыкъара.

2.5. Комиссия реисининъ вазифеси даимийлик эсасында эда этильмекте.
Комиссия реисининъ вазифеси «Девлет хызмети акъкъында» Украина Къанунынен тесбит этильген тертипте девлет хызметчилери вазифелерининъ мунасип категориясына аит.

2.6. Реиснинъ муавини, Комиссиянынъ кятиби Комиссиянынъ эркянына кирген депутатлар арасындан ве Комиссия реисининъ такъдиминен Къырым Мухтар Джумхуриетининъ Юкъа­ры Радасында сайланылалар»;

5-нджи пунктнынъ 5.1 пунктасты мезкюр мундериджели сатырбашларынен текмилленсин:
«Къырым Мухтар Джумхуриети Юкъары Радасынынъ къарарлары ве укюмлери лейихаларыны ишлеп чыкъарылсын ве такъдим этильсин, эм де оларны кулланмакъ тертиби акъкъында тевсиелер кирсетильсин;
онынъ алып барувына аит олгъан меселелер боюнджа Къырым Мухтар Джумхуриети Юкъары Радасынынъ депутатлары ве Къырым

Мухтар Джумхуриети Назирлер Шурасы кирсеткен норматив-укъукъий актларнынъ лейихалары боюнджа екюн чекильсин».

3. Къырым Мухтар Джумхуриети Юкъары Радасынынъ 1998 сенеси 30-июньде къабул олунгъан 109-II Къарарынен (Къырым

Мухтар Джумхуриетининъ норматив-укъукъий актлар топламы, 1998 с., № 6, 388 мад., № 7, 471 мад.; 1999 с., № 8, 837 мад., № 11, 1115 мад.; 2000 с., № 2, 75 мад.; 2001 с., № 6, 563 мад.; 2002 с., № 5, 328 мад.; 2003 с., № 3, 212 мад.; 2004 с., № 6, 535 мад.) тасдикълангъан Къырым Мухтар Джумхуриети Юкъары Радасынынъ Регламентине ашагъы­даки денъишмелер кирсетильсин:

71-нджи мадде мезкюр мундериджели экинджи болюкнен текмилленсин:
«Къырым Мухтар Джумхуриети Юкъары Радасында Къырым Мухтар Джумхуриети Юкъа­ры Радасынынъ саиплештирюв меселелери боюнджа Къырым Мухтар Джумхуриети Юкъары Радасынынъ даимий комиссиясы статусынен Незарет комиссиясы арекет эте».

4. Мезкюр Къарар къабул этильген кунюнден арекетке кире.