КъМДж ЮР Къарары

КЪЫРЫМ МУХТАР ДЖУМХУРИЕТИ НАЗИРЛЕР ШУРАСЫНЫНЪ КЪЫРЫМ МУХТАР ДЖУМХУРИЕТИНИНЪ 2005 СЕНЕСИНЕ БЮДЖЕТИ ЭДА ЭТИЛЬГЕНИ АКЪКЪЫНДА ЭСАБАТЫНЫНЪ ТАСДИКЪЛАНМАСЫ АКЪКЪЫНДА

Къырым Мухтар Джумхуриетининъ Юкъары Радасы к ъ а р а р  б е р е:

1. Къырым Мухтар Джумхуриетининъ 2005 сенесине бюджети эда этильгени акъкъында эсабат тасдикълансын:

келирлер боюнджа 1068024,657 бинъ грн. микъдарында, шу джумледен умумий фонднынъ келири — 878009,033 бинъ грн. микъдарында, махсус фонднынъ келири — 190015,624 бинъ грн. микъдарында;

масрафлар боюнджа 1052793,999 бинъ грн. микъдарында, шу джумледен умумий фонднынъ масрафы 867849,668 бинъ грн. микъдарында, махсус фонднынъ масрафы — 184944,331 бинъ грн. микъдарында;

Къырым Мухтар Джумхуриетининъ 2005 сенеси бюджетине кредитлер къайтарувы боюнджа 449,654 бинъ грн. микъдарында, шу джумледен махсус фондгъа кредитлер къайтарылувы — 449,654 бинъ грн. микъдарында;

Къырым Мухтар Джумхуриетининъ 2005 сенеси бюджетинден кредитлер такъдим этилюви 1100,4 бинъ грн. микъдарында, шу джумледен умумий фонддан кредитлер такъдим этилюви боюнджа — 1049,1 бинъ грн. микъдарында, махсус фонддан кредитлер такъдим этилюви боюнджа — 51,3 бинъ грн. микъдарында (иляве этиле).

2. Къырым Мухтар Джумхуриетининъ 2005 сенеси бюджетинден 727,039 бинъ грн. микъдарында  масрафлар акъкъында эсабат тасдикълансын (иляве этиле), шу джумледен:

Къырым Мухтар Джумхуриети Сакъ районынынъ бюджетине субвенция шекилинде — 638,449 бинъ грн. микъдарында;

Къырым Мухтар Джумхуриети Ленин районынынъ бюджетине субвенция шекилинде — 88,590 бинъ грн. микъдарында.

3. Турмуш-коммуналь хызметлери ичюн борджларнынъ одельмеси вастасы иле сабыкъ СССР Эманет банкы муэссиселеринде ватандашларнынъ фиятыны джойгъан эманетлери боюнджа девлетнинъ меджбуриетлерини одемесине Украина девлет бюджетинден айырылгъан субвенциянынъ Къырым Мухтар Джумхуриетининъ шеэрлер ве районлар бюджетлери арасында Такъсимленюви тасдикълансын (иляве этиле).

4. Мезкюр Къарар Къырым Мухтар Джумхуриети Юкъары Радасынынъ «Крымские известия» газетинде дердж этильсин.

5. Мезкюр Къарар къабул этильген кунюнден арекетке кире.