Постановление ВР АРК (регуляторный акт)

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 1999 СЕНЕСИ 21-АПРЕЛЬДЕ КЪАБУЛ ОЛУНГЪАН "КЪЫРЫМ МУХТАР ДЖУМХУРИЕТИНИНЪ СУВ ОБЪЕКТЛЕРИНДЕ УФАКЪ ГЕМИЛЕРНЕН ФАЙДАЛАНМАКЪ КЪАИДЕЛЕРНИНЪ ТАСДИКЪЛАНУВЫ ВЕ КЪЫРЫМ МУХТАР ДЖУМХУРИЕТИНИНЪ СУВ ОБЪЕКТЛЕРИНДЕ УФАКЪ ГЕМИЛЕРНЕН ПАССАЖИР ВЕ ЮКНИНЪ ИЧКИ ТАШЫМАКЪНЫ ЭДА ЭТИЛЮВИ АКЪКЪЫНДА" 468-2/99 САНЛЫ КЪАРАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриетининъ Юкъары Радасы  к ъ а р а р  б е р е:

Къырым Мухтар Джумхуриети Юкъары Шурасынынъ 1999 сенеси 21 апрельде къабул олунгъан «Къырым Мухтар Джумхуриетининъ сув объектлеринде уфакъ гемилернен файдаланмакъ къаиделерининъ тасдикъланувы ве Къырым Мухтар Джумхуриетининъ сув объектлеринде уфакъ гемилернен пассажир ве юкнинъ ички ташымакъны эда этилюви акъкъында» 468-2/99 санлы Къарарына (Къырым Мухтар джумхуриетининъ норматив-укъукъий актлары топламы, 1999 с., № 4, 332 мад., 2002 с., № 9, 949 мад., 2003 с., № 6, 546 мад., 2004 с., № 9, 807 мад.) денъишмелер кирсетилип, янъы тарирде арз этильсин:

«Къырым Мухтар Джумхуриети Юкъары Радасынынъ Къарары

Къырым Мухтар Джумхуриетининъ сув объектлеринде

уфакъ гемилернен файдаланмакъ къаиделерининъ

тасдикъланувы акъкъында

«Украинанынъ девлет сынъыры акъкъында» Украина Къанунынынъ Украина Сув кодексининъ 8-нджи маддеси 11-нджи пунктнынъ талаплары, Украина Назирлер Кабинетининъ 1997 сенеси 26-сентябрьде къабул олунгъан «Украинанынъ Девлет гемилер реестрининъ кирсетюви Низамнамеси ве Украинанынъ Гемилер китабынынъ тасдикълавы акъкъында» 1069 санлы, 1998 сенеси 8-июньде къабул олунгъан «Денъиз ве озен накълиесинде техник, классификацион ве геми юрюв незаретининъ мукеммеллештирюви акъкъында» 814 санлы, 1998 сенеси 27-июльде къабул олунгъан «Сынъыр режими акъкъында» 1147 санлы, 1998 сенеси 3-августта къабул олунгъан «Незарет этильген сынъыр районлары акъкъында» 1199 санлы къарарларыны эда этильмесини теминлемек макъсадынен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетининъ сув объектлеринде уфакъ  гемилернен файдаланмакъ къаиделери тасдикълансын (иляве этиле).

2. Къырым Мухтар Джумхуриетининъ Назирлер Шурасына мезкюр Къарарнынъ 1-нджи пунктында анъылгъан Къырым Мухтар Джумхуриетининъ сув объектлеринде уфакъ гемилернен файдаланмакъ къаиделерининъ дердж этильмеси авале этильсин.

3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ санайы, къуруджылыкъ, накълие, алякъа ве якъарлыкъ-энергетика комплекси боюнджа Даимий комиссиясына авале этильсин.