Къырым Мухтар Джумхуриети Юкъары Радасынынъ 2005 сенеси 28-октябрьде къабул олунгъан «Къырым Мухтар Джумхуриетининъ региональ сымарышы олгъан эрзакъ захиресининъ ихтияты янъартылмасы акъкъында» 1461-4/05 санлы ве 2006 сенеси 22-февральде къабул олунгъан «Къырым Мухтар Джумхуриетининъ бюджети акъкъында» 1579-4/06 санлы къарарларыны эда этмек ичюн
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Назирлер Шурасына Украина Аграр сиясети Назирлигинден аккредитация алгъан биржаларнынъ биржа алыш-веришинде сатылмасы вакътында укюм сюрген биржа фиятларындан Къырым Мухтар Джумхуриетининъ региональ сымарышы олгъан 2004-2005 сенелери эрзакъ захиресини 2006 сенесининъ майыс-июнь айларында сатмакъ изин берильсин.
2. Къырым Мухтар Джумхуриетининъ региональ сымарышы олгъан 2004-2005 сенелери эрзакъ захиресининъ сатылувындан тюшкен пара Къырым Мухтар Джумхуриетининъ 2006 сенесиндеки бюджетнинъ келир къысмына ёлланылсын.
3. Къырым Мухтар Джумхуриети Назирлер Шурасы Къырым Мухтар Джумхуриетининъ захире азырлагъан ишханелернинъ Къырым Мухтар джумхуриетининъ региональ сымарышы олгъан 2004-2005 сенелери эрзакъ захиресининъ азырлап къоюв, сакълав, ишлев, темизлев ве сатылувына масрафларны ерине толдурмакъ макъсадынен Къырым Мухтар Джумхуриетининъ региональ сымарышы олгъан 2004-2005 сенелери эрзакъ захиресининъ сатылмасы эда этильгенинден сонъ Къырым Мухтар Джумхуриетининъ 2006 сенесиндеки бюджетине мувафыкъ денъишмелер кирсетильмеси акъкъында Къырым Мухтар Джумхуриети Юкъары Радасынынъ къарары лейихасыны азырласын.
4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясына, Къырым Мухтар Джумхуриети Юкъары Радасынынъ аграр ве топракъ меселелери, экология ве табиаттан анълакъсал файдаланмакъ боюнджа Даимий комиссиясына ве Къырым Мухтар Джумхуриети Назирлер Шурасына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 сенеси, июнь 21, № 105-5/06 |