Къырым Мухтар Джумхуриети Анаясасынынъ 18-нджи маддесининъ 1-нджи къысмындаки 11-нджи пунктына, «Украинанынъ кой ходжалыгъына девлет къолтутувы акъкъында» Украина Къанунына бинаен, Къырым Мухтар Джумхуриети Юкъары Радасынынъ 2005 сенеси 24-декабрьде къабул олунгъан «Къырым Мухтар Джумхуриетинде 2006-2008 сенелери икътисадиятнынъ аграр секторы ве койнинъ ичтимаий инкишафынынъ биринджилиги акъкъында» 1534-4/-5 санлы Къарарнынъ иджра этильмеси ичюн ве койходжалыкъ ишханелерине эльверишли шараитлер яратмакъ эм де машина-трактор паркыны янъартмакъ макъсадынен
Къырым Мухтар Джумхуриетининъ Юкъары радасы к ъ а р а р б е р е:
1. Чокъмуддетли кредитлернинъ уджузлаштырув механизминден файдаланып, 2006 сенеси мулькиетнинъ эписи шекиллердеки койходжалыкъ ишханелерине малиевий ярдым эда этильмеси тертиби акъкъында Низамнамеси тасдикълансын (иляве этиле).
2. Чокъмуддетли кредитлернинъ уджузлаштырув механизминден файдаланып, 2006 сенеси мулькиетнинъ эписи шекиллердеки койходжалыкъ ишханелерине малиевий ярдым эда этильмесине Къырым Мухтар Джумхуриети бюджетинден айырылгъан пара васталарынынъ баш такъсимлейиджиси оларакъ Къырым Мухтар Джумхуриети Аграр сиясети Назирлиги тайинленсин.
3. Чокъмуддетли кредитлернинъ уджузлаштырув механизминден файдаланып, 2006 сенеси мулькиетнинъ эписи шекиллердеки койходжалыкъ ишханелерине малиевий ярдым эда этильмесине Къырым Мухтар Джумхуриети бюджетинде козьде тутулгъан пара васталарындан файдалангъан сонъ идареджилик актынынъ нетиджелерге иришкенлиги незарети 2007 сенеси февраль-март айларында эда этильмеси Къырым Мухтар Джумхуриети Назирлер Шурасына авале этильсин. Незарет этилювнинъ нетиджелери «Крымская газета» газетинде дердж этильсин.
4. Чокъмуддетли кредитлернинъ уджузлаштырув механизминден файдаланып, 2006 сенеси мулькиетнинъ эписи шекиллердеки койходжалыкъ ишханелерине малиевий ярдым эда этильмесине ёлланылгъан макъсатлы пара васталарындан файдаланмакънынъ незарети Къырым Мухтар Джумхуриети Юкъары Радасынынъ Эсаплав палатасы ве Къырым Мухтар Джумхуриетинде Незарет-тефтиш идареси тарафындан эда этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 сенеси, июнь 21, № 107-5/06 |