«Автомобиль накълиеси акъкъында» Украина Къанунынынъ 14-нджи маддесине бинаен, Къырым Мухтар Джумхуриети Юкъары Радасынынъ 2004 сенеси 21-апрельде къабул олунгъан «Къырым Мухтар Джумхуриетинде эалиге накълие хызметининъ мукеммеллештирюви боюнджа базы тедбирлер акъкъында» 909-3/04 санлы Укюмининъ 1-нджи пунктынынъ 1.1 пунктасты иджра этильмеси ичюн, Къырым Мухтар Джумхуриетинде пассажирлерни автомобильнен ташымакъ тешкилятландырувыны бир тертипке кетирмеси макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ сынъырларындан тыш чыкъмагъан умумий файдаланувда олгъан шеэрлерара ве шеэр этрафына къатнагъан автобус маршрутларынынъ агъы тасдикълансын (иляве этиле).
2. Къырым Мухтар Джумхуриети Назирлер Шурасы:
2.1. Мезкюр Къарарнен тасдикълангъан Къырым Мухтар Джумхуриетининъ сынъырларындан тыш чыкъмагъан умумий файдаланувда олгъан шеэрлерара ве шеэр этрафына къатнагъан автобус маршрутлары агъы арекет этювининъ 2006 сенесининъ 3 ай девамындаки нетиджелерини талиль этип, заруриет олса, онынъ мукеммеллештирюви боюнджа теклифлер кирсетсин.
2.2. Маршрутнынъ паспортыны ишлеп чыкъарув ве тасдикълавынынъ тертибини бельгилеген норматив-укъукъий актлар олмагъаны себебинден «Автомобиль накълиеси акъкъында» Украина Къанунынынъ 7-нджи маддесине бинаен Къырым Мухтар Джумхуриети Юкъары Радасы паспортларны тасдикъламасындан эвель, заруриет олса, мезкюр Къарар тасдикълагъан маршрутлар боюнджа мувакъкъат автомобиль ташыйыджыларны тайинлесин.
2.3. Украина накълие ве алякъа Назирлигине «Автомобиль накълиеси акъкъында» Украина Къанунынынъ къаиделерини ерине кетирмек ичюн керек олгъан норматив-укъукъий актларнынъ къабул олунмасы меселеси боюнджа мураджаат этсин.
2.4. Умумий файдаланувда олгъан пассажирлер ташыйыджы автомобиль накълие ичюн джумхуриет ярышларнынъ азырлавы ве кечирилювининъ тешкилятландырмакъ меселелеринен огърашкъан Къырым Мухтар Джумхуриетининъ санайы сиясети, накълие, алякъа ве якъарлыкъ-энергетика комплекси Назирлиги хадимлерининъ микъдары чокълаштырсын.
3. Шеэр шураларынынъ иджра комитетлерине 2006 сенеси 1-сентябринедже мезкюр Къарарнен тасдикълангъан умумий файдаланувда олгъан шеэр этрафына къатнагъан маршрутларнынъ сонъки токътагъан пунктларында автодуракълар олмагъан тарзда, автобусларнынъ келюви ве кетювини, айланмакъ ве раатланмакъ мейданчыкъларыны тешкилятландырмакъны, дуракъларны къанунджылыкъ талапларына уйгъун донатмасына керекли чарелер корьмекни тевсие берильсин.
4. Акъмесджит шеэри АВ (автовокзал) ве АС-2 (демирёл вокзалы) автодуракъларнынъ озюнден накълие кечирмек къабилиети сынъырлангъаны себебинден Акъмесджит шеэр шурасынынъ иджра комитетине 2006 сенеси 1-сентябринедже Московское кольцо тарафында шеэр этрафына къатнагъан автобусларнынъ келюви ве кетювини тешкилятландырмакъ ичюн ерни бельгилемек тевсие этильсин.
5. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ санайы, къуруджылыкъ, накълие, алякъа ве якъарлыкъ-энергетика комплекси боюнджа Даимий комиссиясына авале этильсин.
6. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 сенеси, июнь 21, № 112-5/06 |