КъМДж ЮР Къарары

ЕРАСТЫ БАЙЛЫКЪЛАРЫНДАН ФАЙДАЛАНМАКЪ ИЧЮН МАХСУС ИЗИНЛЕР БЕРИЛЬМЕСИ АКЪКЪЫНДА РИДЖАНАМЕЛЕРНИНЪ УЙГЪУНЛАШТЫРУВЫ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 31-нджи пункты, 18-нджи маддесиндеки 1-нджи къысмынынъ 2 ве 9-нджы пунктларына эсасланаракъ ерасты байлыкълары акъкъында Украина Кодексининъ 16 ве 19-нджы мадделери, 9-нджы маддесиндеки 2-нджи къысмы, 2006 сенеси 20-февральде 168 санлы Украина Назирлер Кабинети Къарарынен тасдикълангъан ерасты байлыкъларындан файдаланмакъ ичюн 2006 сенесине махсус изинлер берильмеси Низамнамесининъ 8-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Ерасты байлыкъларындан файдаланмакъ ичюн махсус изинлер берильмеси акъкъында риджанамелер:

1) «Жилсервис» коммуналь ишханесине (Черномор районы, Окуневка кою) — Черномор районындаки татлы ерасты сувларынынъ (№ № 5214, 5233, 70, 5224, 5218, 5217, 5215, 71, 5220, 5219, 5213, 5221 бужарлары) Шималий Сиваш ердогъумынынъ Окуневка дамартысында амелий-санайы ишлетмеси иле геошынас теткъикъатлары боюнджа ишлер алып барылмасы ичюн;

2) Керчь девлет тарихий-медений къоругъына (Керчь ш.) — ерден файдалы маденлернинъ чыкъарылмасынен багълы олмагъан макъсатларгъа, ерасты дагъ ишлетмелерде Аджимушкай таш къобаларнынъ мудафаасы тарих музейини ерлештирмеси ичюн;

3) «Треугольник» шахсий ишханеге (Сакъ районы, Орехово кою) — Сакъ районы Надеждадаки бычып чыкъарылгъан киречташлар  ердогъумындан дивар ташы чыкъармакъ ичюн;

4) «Коместа-Горизонт» месулиети сынъырлангъан джемиетине (Ялта ш.) — Красногвардейск районы Пятихаткадаки минераль тедавийлев-ичимлик сув  ердогъумындан минераль тедавийлев-ичимлик сув чыкъармакъ ичюн;

5) Судакъ сувкечирюв-канализацион ходжалыгъы истисал ишханесине (Судакъ СКХИИ) — Судакъ шеэр шурасынынъ Богатовка ве Солнечная Долина койлерини ходжалыкъ ве ичимлик сувнен теминлемек макъсадынен Судакъ ердогъумынынъ Шаркъ дамартысында (№ № 329, 325, 326 чокъракълары) татлы ерасты сувларыны чыкъармакъ ичюн;

6) «Морское» девлет ишханесине (Судакъ ш., Морское кою) — Морское ве Громовка койлерини ходжалыкъ ве ичильген сувнен теминлемек, эм де ишханенинъ турмуш ве истисал кереклерини теминлемек макъсадынен Горный ердогъумындан (Ворондаки дамарты, № № 6654, 6640, 6690, 6651, 6652, 6643, 6644, 6657, 6653, 6641 бужарлары; Шелендеки дамарты № № 6655, 6648, 6645, 6656, 6642, 6647, 6646 бужарлары) татлы ерасты сувлары чыкъармакъ ичюн уй­гъунлаштырылсын.

2. Ерасты байлыкъларындан файдаланмакъ ичюн махсус изинлернинъ арекет этюв муддетининъ девам этюви уйгъунлаштырылсын:

1) месулиети сынъырлангъан джемиети олгъан «Геотехника» ильмий-истисал ишханесине (Керчь ш.) — Керчь шеэр шурасы топракъларында ерлешкен Юкъары Чурбаш къуйрукъсакълавнынъ амелий-истисал ишлеп чыкъармасынен геошынас теткъикъаты боюнджа ишлер алып бармасы ичюн (2003 сенеси 6-февральде берильген 2207 санлы изиннаме);

2) «Минераль сувлары Сакъ заводы» месулиети сынъылангъан джемиетине (Сакъ ш.) — сыджакъ минераль ерасты сувлары Сакъ ердогъумынынъ дамартысыны амелий-истисал ишлеп чыкъармасы иле геошынас теткъикъатлар боюнджа ишлер кечирмек ичюн (2003 сенеси 6-февральде берильген 2218 санлы изиннаме).

3. «Н. И. Пирогов адына Сакъ меркезий арбий клиника санаторийси» Украина Мудафаа Назирлигининъ девлет ишханесине янъыдан ресмийлештирюви иле махсус изинининъ арекет этюв муддетининъ девам этюви уйгъунлаштырылсын — Сакъ шеэринде минераль сувлар (№ 2‑ТМ бужары) Сакъ ердогъумы дамартысынынъ амелий-истисал ишлеп чыкъармасы иле геошынас теткъикъаты боюнджа ишлер кечирмек ичюн (17.03.03-те берильген 2193 санлы изиннаме).

4. Мезкюр Къарар къабул этильген кунюнден арекетке кире.