КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ ДАИМИЙ КОМИССИЯЛАРЫНЫ ТЕШКИЛЬ ЭТЮВ АКЪКЪЫНДА

Къырым Мухтар Джумхуриети Конституциясынынъ 26-нджы маддеси 2-нджи къысмындаки 17-нджи пунктына, «Къырым Мухтар Джумхуриети Юкъары Радасы акъкъында»ки Украина Къанунынынъ 9-нджы маддеси 2-нджи къысмындаки 18-нджи пунктына ве Къырым Мухтар Джумхуриети Юкъары Радасы Регламентининъ 71-нджи маддесине бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ ашагъыдаки даимий комиссиялары мейдангъа кетирильсин:

1) Къырым Мухтар Джумхуриети Юкъары Радасынынъ Мандат, депутат этикасы, Юкъары Раданынъ ишини тешкилятландырув ве кутьлевий хабер васталары боюнджа;

2) Къырым Мухтар Джумхуриети Юкъары Радасынынъ Акъ-укъукъ, укъукъ тертиби ве февкъульаде вазиетлер боюнджа;

3) Къырым Мухтар Джумхуриети Юкъары Радасынынъ Икътисадий, бюджет-малие ве берги сиясети боюнджа;

4) Къырым Мухтар Джумхуриети Юкъары Радасынынъ Аграр ве топракъ меселелери, экология ве табиаттан эльверишли файдаланув меселелери боюнджа;

5) Къырым Мухтар Джумхуриети Юкъары Радасынынъ Илим ве тасиль боюнджа;

6) Къырым Мухтар Джумхуриети Юкъары Радасынынъ Тышкъы икътисадий алякъалар, тиджарет ве ишханелер боюнджа;

7) Къырым Мухтар Джумхуриети Юкъары Радасынынъ Ичтимаий меселелер ве сагълыкъны сакълав боюнджа;

8) Къырым Мухтар Джумхуриети Юкъары Радасынынъ Рекреацион, туризм ве санаторий-курорт комплекслери боюнджа;

9) Къырым Мухтар Джумхуриети Юкъары Радасынынъ Медениет, яшлар иши ве спорт меселелери боюнджа;

10) Къырым Мухтар Джумхуриети Юкъары Радасынынъ Миллетлерара мунасебетлер ве сюргюн олунгъан гражданлар проблемалары боюнджа;

11) Къырым Мухтар Джумхуриети Юкъары Радасынынъ Ерли озь-озюни идаре этюв ве мемурий-территориаль меселелери боюнджа;

12) Къырым Мухтар Джумхуриети Юкъары Радасынынъ Санайы, къуруджылыкъ, накълие, алякъа ве якъарлыкъ-энергетика комплекси боюнджа.

2. Мезкюр Къарар къабул этильген кунюнден арекетке кире.