КъМДж ЮР Къарары

КЪЫРЫМ МУХТАР ДЖУМХУРИЕТИНИНЪ 2006 СЕНЕСИНЕ ИКЪТИСАДИЙ ВЕ ИЧТИМАИЙ ИНКИШАФЫ ПРОГРАММАСЫ АКЪКЪЫНДА

Украина Анаясасынынъ 138-нджи маддеси 1-нджи къысмындаки 5-нджи пунктына, Къырым Мухтар Джумхуриети Анаясасынынъ 26-нджи маддеси, 2-нджи къысмындаки 11-нджи пунктына, «Къырым Мухтар Джумхуриетининъ Юкъары Радасы акъкъында «Украина Къанунынынъ 9-нджи маддеси, 2-нджи къысмындаки 12-нжи пунктына, «Украинанынъ икътисадий ве ичтимаий инкишафы программаларынынъ девлет прогнозлаштырылувы ве ишлеп чыкъарувы акъкъында» Украина Къанунынынъ 11-нджи маддесине бинаен, эм де Къырым Мухтар Джумхуриетининъ даимий икътисадий осюви, икътисадиятнынъ семерели иши ве эалининъ яшайыш севиеси юксельтмеси макъсадынен

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриетининъ 2006 сенесине икътисадий ве ичтимаий инкишафы программасы тасдикълансын (Иляве этиле)*.

2. Къырым Мухтар Джумхуриетининъ Назирлер Шурасы 2006 сенеси I кварталында малиенен теминлев къошма менбалары эсабындан я да Къырым Мухтар Джумхуриети бюджетининъ келир къысмына пландан зияде киришлерни эсапкъа алып, малиенен теминлесин:

Къырым Мухтар Джумхуриети Юкъары Радасынынъ 2002 сенеси 18-сентябрьде къабул олунгъан 237-3/02 санлы Къарарынен тасдикълангъан Къырым Мухтар Джумхуриети Юкъары Радасынынъ 2004 сенеси 20-октябрьде къабул олунгъан «Къырым Мухтар Джумхуриетинде 2001—2005 сенелерине Топракъ исляаты Программасынынъ эда этилюви кетишаты акъкъында» 1081-4/04 санлы Къарарынынъ 4-нджи пунктындаки 4.1 пунктасты ве 3-нджи пункт эда этильмеси ичюн Къырым Мухтар Джумхуриети Назирлер Шурасынынъ 2005 сенеси 22-февральде къабул олунгъан 85 санлы Къарарынен тасдикълангъан Къырым Мухтар Джумхуриетинде 2006—2007 сенелери Топракъ исляаты Программасынынъ омюрге кечирилюви боюнджа тедбирлерге — 9606,5 бинъ гривня микъдарында;

Къырым Мухтар Джумхуриети Юкъары Радасынынъ 2004 сенеси 15-сентябрьде къабул олунгъан 1055-4/04 санлы Къарарынен тасдикълангъан дагъларны муафаза этюви ве гъайрыдан осьтюрюви, оларнынъ махсулдарлыгъыны юксельтюви ве анълакъсал ишлетюви боюнджа 2002—2015 сенелерине региональ программасына — 1983,350 бинъ гривня микъдарында;

Къырым Мухтар Джумхуриети Юкъары Радасынынъ 2004 сенеси 17-ноябрьде къабул олунгъан 1121-4/04 санлы Къарарынен тасдикълангъан Къырым Мухтар Джумхуриетининъ 2015 сенесине къадар муддетке сув ходжалыгъы инкишафы Программасына — 3130,0 бинъ гривня микъдарында.

3. Къырым Мухтар Джумхуриети Назирлер Шурасына Къырым Мухтар Джумхуриети Юкъары Радасынынъ даимий комиссияларынен берабер юкъарыда анъылгъан Программанынъ эда этильмеси боюнджа черелер корьмесини авале этильсин.

4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ оларнынъ саасына кирген меселелер боюнджа даимий комиссияларына авале этильсин.

5. Мезкюр Къарар къабул этильген кунюнден арекетке кире.