Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1 ве 8 пунктларына, Украина Берги къануннамесининъ 3 маддесине, 4 маддесининъ 4.4, 4.5 пунктларына, 12 маддесининъ 12.2 пунктынынъ 12.2.3 пунктастына, 133 маддесининъ 133.1 пунктына мувафыкъ
Къырым Мухтар Джумхуриетининъ Юкъары Радасы къарар бере:
1. «Къырым суву» Къырым джумхуриет ишханесине Къырым Мухтар Джумхуриети бюджетининъ умумий фондуна 2013 сенесининъ июль 1-ден 2013 сенесининъ декабрь 31-не къадар девринде малие-ходжалыкъ фаалиетининъ акъибетлери боюнджа темиз келирнинъ (кярнынъ) къысмыны телев боюнджа имтияз такъдим этильсин.
2. «Къырым суву» Къырым джумхуриет ишханесине, «Къырым суву» Къырым джумхуриет ишханесининъ Алушта филиалына, «Къырым суву» Къырым джумхуриет ишханесининъ Бахчисарай филиалына, «Къырым суву» Къырым джумхуриет ишханесининъ Белогорск филиалына, «Къырым суву» Къырым джумхуриет ишханесининъ Джанкой филиалына, «Къырым суву» Къырым джумхуриет ишханесининъ Евпатория филиалына, «Къырым суву» Къырым джумхуриет ишханесининъ Керчь филиалына, «Къырым суву» Къырым джумхуриет ишханесининъ Красноперекопск филиалына, «Къырым суву» Къырым джумхуриет ишханесининъ Сакъ филиалына, «Къырым суву» Къырым джумхуриет ишханесининъ Судакъ филиалына, «Къырым суву» Къырым джумхуриет ишханесининъ Феодосия филиалына 2014 сенесинде теленмесине менсюп, 2013 сенесининъ июль 1-ден 2013 сенесининъ декабрь 31-не къадар деврине ишханелернинъ келирине берги теленмесинден бошатылмасы вастасынен берги имтиязы такъдим этильсин.
3. Темиз келирнинъ (кярнынъ) къысмы теленмеси боюнджа ве ишханелернинъ келирине берги боюнджа имтиязлар такъдим этильмеси себеби иле сербест васталардан файдаланув Тертиби тасдикълансын (иляве этиле)*.
4. Мезкюр Къарар эда этильмеси узеринден незарет Къырым Мухтар Джумхуриети Юкъары Радасынынъ бюджет, икътисадият ве сермия сиясети боюнджа Даимий комиссиясына авале этильсин.
5. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2013 сенеси, июнь 21, № 1326-6/13