Къырым Мухтар Джумхуриети Анаясасынынъ 17-нджи маддесининъ учюнджи, дертюнджи къысымларына, 18-нджи маддесиндеки биринджи къысмынынъ 9-нджы пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки экинджи къысмынынъ 32-нджи пунктына, «Этрафтаки табиат муитини къорув акъкъында» Украина Къанунынынъ 14-нджи маддесиндеки биринджи къысмынынъ «в», «з» пунктларына, «Осюмликлер алеми акъкъында» Украина Къанунынынъ 30-нджы маддесиндеки экинджи къысмына мувафыкъ, Украинанынъ Къызыл китабына кирсетильмеген, амма сийрек раст кельген я да Къырым Мухтар Джумхуриетининъ этрафында екъ оладжагъы телюкеси олгъан осюмликлернинъ чешитлери сакълап къалынмасы макъсатларына мувафыкъ
Къырым Мухтар Джумхуриетининъ Юкъары Радасы къарар бере:
1. 1-нджи Илявеге мувафыкъ Къырым Мухтар Джумхуриетининъ этрафында айры къорулмасына аит осюмликлернинъ чешитлери Джедвели тасдикълансын.
2. 2-нджи Илявеге мувафыкъ Къырым Мухтар Джумхуриетининъ этрафында айры къорулмасына аит осюмликлернинъ чешитлери Джедвели акъкъында Низамнамеси тасдикълансын.
3. Къырым Мухтар Джумхуриетининъ Назирлер Шурасына мезкюр Къарарнен тасдикълангъан Низамнамеге мувафыкъ Къырым Мухтар Джумхуриетининъ этрафында айры къорулмасына аит осюмликлернинъ чешитлерини сакълап къалув ве гъайрыдан осьтюрильмеси боюнджа тедбирлер эда этильмесини теминлемек.
4. Мезкюр Къарарнен тасдикълангъан Низамнамеге мувафыкъ Къырым Мухтар Джумхуриетининъ этрафында айры къорулмасына аит осюмликлернинъ чешитлери сакълап къалынмасы ве гъайрыдан осьтюрюльмеси боюнджа тедбирлерге риает этюв узеринден экологик незарет эда этильмеси Къырым Мухтар Джумхуриетинде Девлет экологик муфеттишлигине тевсие этильсин.
5. Мезкюр Къарар эда этильмеси узеринден незарет Къырым Мухтар Джумхуриети Юкъары Радасынынъ топракъ, аграр меселелери, экологик ве мемурий-территориаль къурулышы боюнджа Даимий комиссиясына авале этильсин.
6. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2013 сенеси, июнь 21, № 1323-6/13