Къырым Мухтар Джумхуриети Анаясасынынъ 18-нджи маддесиндеки биринджи къысмынынъ 14-нджи пукнтына, 26-нджы маддесиндеки экинджи къысмынынъ 1 ве 31 пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки биринджи къысмынынъ 1-нджи пунктына, экинджи къысмынынъ 32-нджи пунктына, Украина Берги къануннамесининъ 329, 330 мадделерине, 331 маддесининъ 331.11 пунктына, Украина Орман къануннамесининъ 18, 65, 67, 77 мадделерине, «Осюмлик алеми акъкъында» Украина Къанунынынъ 8, 12 мадделерине, «Ходжалыкъ фаалиети саасында девлет тертиплештириджи сиясетининъ эсаслары акъкъында» Украина Къанунынынъ 10-нджы маддесине мувафыкъ
Къырым Мухтар Джумхуриетининъ Юкъары Радасы къарар бере:
1. Илявеге мувафыкъ экинджи дефа орман мальземелери азырланмасы, экинджи дефа орман мальземелеринен файдаланувы эда этильмеси ве орманларнынъ файдалы хусусиетлеринден файдаланув къысмында орман ресурслардан махсус файдаланувы ичюн алым сынъырлары тайин этильсин.
2. 2013 сенеси акъымында мезкюр тертиплейиджи актнынъ акъибетини незарет этмек, 2014 сенесининъ февраль айында незарет этювнинъ нетиджелерини «Крымские известия» газетасында дердж этмек Къырым Мухтар Джумхуриетининъ Назирлер Шурасына авале этильсин. Мезкюр тертиплештириджи актнынъ акъибетлери текрар незарет этильмеси бутюнлей незарет этильмесинден сонъ бир йылдан сонъ кечирильсин.
3. Мезкюр Къарар эда этильмеси узеринден незарет Къырым Мухтар Джумхуриети Юкъары Радасынынъ топракъ, аграр меселелери, экологик ве мемурий-территориаль къурулышы боюнджа Даимий комиссиясына авале этильсин.
4. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2013 сенеси, июнь 21, № 1322-6/13