Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына мувафыкъ
Къырым Мухтар Джумхуриетининъ Юкъары Радасы къарар бере:
1. Къырым Мухтар Джумхуриети Юкъары Радасынынъ 2011 сенеси декабрь 28-де къабул олунгъан 658-6/11 санлы Къарарынен (Къырым Мухтар Джумхуриетининъ норматив-укъукъий актлар Топламы, 2011 с., № 12, 938 мад.; 2012 с., № 2, 41 мад., № 4, 233 мад., № 6, 393 мад., № 9, 598 мад., 599 мад., № 10, 686 мад., № 11, 753 мад., № 12, 1-нджи къ., 851 мад.) тасдикълангъан Къырым Мухтар Джумхуриетининъ 2012—2013 сенелерине аграр сектору инкишафы Програмына ашагъыдаки денъишмелер кирсетильсин:
мезкюр Програмнынъ 2 Илявесининъ II болюгининъ 6-1 пунктында:
2 графасы ашагъыдаки тарирде арз этильсин:
«6-1. Эалинен энъ чокъ сатын алынгъан отьмекнинъ истисалы ичюн ашайт богъдайынынъ резервосы тешкиль этильмеси макъсадында биржа ачыкъ арттырмаларында сатын алынгъан 2013 сенеси берекетининъ ашайт богъдайы фиятынынъ бир къысмы одельмеси вастасынен отьмек пиширюв ишханелерине малие ярдымы»;
3-нджи графада «КъМДж-де райдевмемуриетлер» сезлери «отьмек пиширюв ишханелери» сезлерине денъиштирильсин.
2. Къырым Мухтар Джумхуриети Юкъары Радасынынъ 2011 сенеси апрель 20-де къабул олунгъан 329-6/11 санлы Къарарынен (Къырым Мухтар Джумхуриетининъ норматив-укъукъий актлар Топламы, 2011 с., № 4, 266 мад.; 2012 с., № 5, 295 мад., № 6, 393 мад., № 7, 469 мад., № 9, 598 мад., 599 мад., № 10, 685 мад., 686 мад., № 11, 753 мад., № 12, 3-нджи къ., 846 мад.; 2013 с., № 2, 58 мад., 59 мад., № 3, 193 мад., № 4, 286 мад., № 5, 411 мад., 415 мад., 422 мад.) тасдикълангъан Къырым Мухтар Джумхуриетининъ 2011—2020 сенелерине икътисадий ве ичтимаий инкишафы Стратегисининъ биринджи басамагъы (2011—2013 сенелери) амельге кечирильмеси Планына ашагъыдаки денъшмелер кирсетильсин:
II болюгининъ 4 приоритетиндеки 22 пунктынынъ 22.7 пунктастында:
2-нджи графа ашагъыдаки тарирде арз этильсин:
«22.7. Эалинен энъ чокъ сатын алынгъан отьмекнинъ истисалы ичюн ашайт богъдайынынъ резервосы тешкиль этильмеси макъсадында биржа ачыкъ арттырмаларында сатын алынгъан 2013 сенеси берекетининъ ашайт богъдайы фиятынынъ бир къысмы одельмеси вастасынен отьмек пиширюв ишханелерине малие ярдымы»;
4-нджи графада «КъМДж-де райдевмемуриетлер» сезлери «отьмек пиширюв ишханелери» сезлерине денъиштирильсин.
3. Къырым Мухтар Джумхуриети Юкъары Радасынынъ 2006 сенеси июнь 21-де къабул олунгъан «Къырым Мухтар Джумхуриетининъ сынъырларындан тыш чыкъмагъан, умумий файдаланувдаки шеэрара ве шеэр янындаки автобус маршрутларнынъ агълары тасдикъланмасы акъкъында» 112-5/06 санлы Къарарына (Къырым Мухтар Джумхуриетининъ норматив-укъукъий актлар Топламы, 2006 с., № 6, 405 мад., № 9, 749 мад.; 2007 с., № 10, 992 мад.; 2008 с., № 3, 157 мад.; 2009 с., № 3, 149 мад.; 2010 с., № 4, 284 мад.; 2011 с., № 5, 396 мад., № 12, 1-нджи къ., 920 мад.; 2013 с., № 3, 184 мад.) ашагъыдаки денъишмелер кирсетильсин:
мезкюр Къарарнен тасдикълангъан Къырым Мухтар Джумхуриетининъ сынъырларындан тыш чыкъмагъан, умумий файдаланувдаки шеэрара автобус маршрутлары агъларына:
«Красногвардейское» болюги ашагъыдаки мундериджели 122-2 сатырнен текмилленсин:
122-2. |
Котельниково — Симферополь |
Ленинское к., Октябрьское шчкъ |
«Нижнегорский» болюги ашагъыдаки мундериджели 155-2 сатырнен текмилленсин:
155-2. |
Нижнегорский — Судак |
Садовое к., Белогорск ш., Грушевка к. |
«Советский» болюги ашагъыдаки мундериджели 277-8 сатырнен текмилленсин:
277-8. |
Советский — Симферополь |
Черноземное к., Демьяновка к., Нижнегорский к., Белогорск ш. |
4. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2013 сенеси, июнь 21, № 1318-6/13