Къырым Мухтар Джумхуриети Анаясасынынъ 9-нджы маддесиндеки экинджи къысмына, 26-нджы маддесиндеки экинджи къысмынынъ 1-нджи пунктына мувафыкъ
Къырым Мухтар Джумхуриетининъ Юкъары Радасы къарар бере:
1. Къырым Мухтар Джумхуриетининъ «Араштырма ишинде хызметлери ичюн» якъарлыкъ алямети тесис этильсин.
2. 2013 сенесининъ сентябрь 1-не къадар «Араштырма ишинде хызметлери ичюн» Къырым Мухтар Джумхуриетининъ ярарлыкъ аляметининъ нусхасы, тарифини эм де шеадетнамесининъ нусхасыны ишлеп чыкъармакъ ве тайинленген тертипте Къырым Мухтар Джумхуриетининъ Юкъары Радасы Президиумынен тасдикъланмасы ичюн кирсетмек Къырым Мухтар Джумхуриети Юкъары Радасынынъ нормаяратыджылыкъ фаалиети, Юкъары Радасынынъ ишини тешкиль этюв ве джемиетнен багъ боюнджа Даимий комиссиясына авале этильсин.
3. Къырым Мухтар Джумхуриети Юкъары Радасынынъ 1999 сенеси апрель 21-де къабул олунгъан «Къырым Мухтар Джумхуриетининъ ярарлыкъ аляметлери акъкъында» 455-2/99 санлы Къарарына (Къырым Мухтар Джумхуриетининъ норматив-укъукъий актлар Топламы, 1999 с., № 4, 319 мад.; 2008 с., № 5, 380 мад., № 6, 458 мад., № 10, 802 мад., 808 мад.; 2009 с., № 6, 473 мад.; 2010 с., № 6, 465 мад.; 2011 с., № 3, 1-нджи къ., 153 мад.; 2012 с., № 2, 42 мад., № 6, 400 мад., № 7, 479 мад., 480 мад., № 9, 600 мад., № 10, 684 мад., № 11, 759 мад.; 2013 с., № 3, 183 мад.) ашагъыдаки денъишмелер кирсетильсин:
2-нджи пукнтынынъ 2-1 пунктастында «Вазифесине садыкълыгъы ичюн» сезлери «Вазифесине садыкълыгъы ичюн», «Араштырма ишинде хызметлери ичюн» Къырым Мухтар Джумхуриетининъ ярарлыкъ алямети» сезлерине денъиштирильсин;
мезкюр Къарарнен тасдикълангъан Къырым Мухтар Джумхуриетининъ ярарлыкъ аляметлери акъкъында Низамнамесинде:
I болюгининъ 2-нджи пункты ашагъыдаки мундериджели бешинджи сатырбашнен текмилленсин:
«Араштырма ишинде хызметлери ичюн» Къырым Мухтар Джумхуриетининъ ярарлыкъ алямети»;
бешинджи — къыркъ биринджи сатырбашлары алтынджы — къыркъ экинджи сатырбашлары оларакъ сайылсын;
II болюк ашагъыдаки мундериджели 4-1 бапнен текмилленсин:
«4-1 бап. «Араштырма ишинде хызметлери ичюн» Къырым Мухтар Джумхуриетининъ ярарлыкъ алямети»
1. «Араштырма ишинде хызметлери ичюн» Къырым Мухтар Джумхуриетининъ ярарлыкъ алямети, араштырма такъымларынынъ, музей ве архив хадимлери, дигер шахсларнынъ граждан ве хызмет вазифеси эда этильмесинде айры хызметлери ичюн ярарлыкъ аляметидир:
Улу Ватан дженки йылларында ве дигер тарихий девирлерде Къырым ярымадасында эляк олгъан дженк федаларнынъ эвельде комюльмеген джесетлери тапылмасы боюнджа араштырма ишлерине муим иссе къошкъанлары ичюн;
фааль арбий-ватанперверлик иши ве арбий-тарихий табиаты олгъан медениет асабалыгъынынъ объектлери сакълап къалынмасы ве мейдангъа кетирильмеси ичюн;
Къырымны къорчалагъан ве азат эткенлернинъ бельгисиз адларыны къыдырув, тайин этюв ве эбедийлештирювде хызметлери ичюн.
2. «Араштырма ишинде хызметлери ичюн» Къырым Мухтар Джумхуриетининъ ярарлыкъ алямети иле мукяфатландырувы Къырым Мухтар Джумхуриетининъ Юкъары Радасы Президиумынынъ укюми боюнджа эда этиле.
«Араштырма ишинде хызметлери ичюн» Къырым Мухтар Джумхуриетининъ ярарлыкъ алямети иле мукяфатлангъангъа «Араштырма ишинде хызметлери ичюн» Къырым Мухтар Джумхуриетининъ ярарлыкъ алямети, тайинленген нусхада шеадетнамеси такъдим этиле.
3. Мукяфаткъа наиль олгъан шахс вефат эткени себебинден «Араштырма ишинде хызметлери ичюн» Къырым Мухтар Джумхуриетининъ ярарлыкъ алямети такъдим этиле.
Мукяфаткъа наиль олгъан шахс вефат эткени себебинден «Араштырма ишинде хызметлери ичюн» мезкюр ярарлыкъ алямети аилесининъ азаларына такъдим этиле.
Мукяфаткъа наиль олгъан вефат эткен шахснынъ акърабасы олмагъаны заманда «Араштырма ишинде хызметлери ичюн» Къырым Мухтар Джумхуриетининъ ярарлыкъ алямети ве онъа шеадетнаме «Таврида меркезий музейи» Къырым джумхуриет муэссисесине теслим этилелер.
4. «Араштырма ишинде хызметлери ичюн» Къырым Мухтар Джумхуриетининъ ярарлыкъ алямети иле мукяфатландырувы текрар кечирильмез.
5. «Араштырма ишинде хызметлери ичюн» Къырым Мухтар Джумхуриетининъ ярарлыкъ алямети кокюсининъ сол тарафында ташыла. Дигер ярарлыкъ аляметлери олувы заманында девлет мукяфатларындан, «Вазифесине садыкълыгъы ичюн» Къырым Мухтар Джумхуриетининъ ярарлыкъ аляметинден сонъ, идаре ярарлыкъ аляметлери огюнде ерлештириле».
6. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2013 сенеси, июнь 21, № 1312-6/13