Къырым Мухтар Джумхуриети Юкъары Радасынынъ 2006 сенеси сентябрь 22-де къабул олунгъан «Къырым Мухтар Джумхуриетининъ сув объектлеринде инсанларнынъ аятыны къорув Укъукълары тасдикъланмасы акъкъында» 178-5/06 санлы Къарарына денъишмелер кирсетильмеси акъкъында
Къырым Мухтар Джумхуриети Анаясасынынъ 16-нджы маддесине, 18-нджи маддесининъ биринджи къысмынынъ 17-нджи пунктына, 26-нджы маддесиндеки экинджи къысмынынъ 1-нджи пунктына мувафыкъ, Къырым Мухтар Джумхуриетининъ пляж этрафларындан семерели файдаланувыны арттырув, ватандашларнынъ хавфсыз ве сагълыкълы шартларыны теминлев макъсатларында
Къырым Мухтар Джумхуриетининъ Юкъары Радасы къарар бере:
1. Къырым Мухтар Джумхуриети Юкъары Радасынынъ 2006 сенеси сентябрь 22-де къабул олунгъан «Къырым Мухтар Джумхуриетининъ сув объектлеринде инсанларнынъ аятыны къорув Укъукълары тасдикъланмасы акъкъында» 178-5/06 санлы Къарарына ( Къырым Мухтар Джумхуриетининъ норматив-укъукъий актлар Топламы, 2006 с., № 9, 743 мад.; 2008 с., № 3, 159 мад.; 2009 с., № 2, 75 мад.; 2011 с., № 6, 500 мад.; 2012 с., № 4, 235 мад.; 2013 с., № 3, 185 мад. ) ашагъыдаки денъишмелер кирсетильсин:
1.1. 4-нджи пунктынынъ 4.4 пунктастында «сувасты ялдайыджылары» сезю «далгъыджылар» сезюне денъиштирильсин.
1.2. Мезкюр Къарарнен тасдикълангъан Къырым Мухтар Джумхуриетининъ сув объектлеринде инсанларнынъ аятыны къорув Укъукъларында:
1-нджи пунктынынъ 1.7 пунктастында:
биринджи сатырбашында «бала пляжлары ве умумий макъсады иле пляжлар» сезлери «бала пляжлары, умумий макъсады иле пляжлар ве пляж зоналары, не ерде сувда эглендже васталары ве сув аттракционлары ерлештирильген, эм де спортнынъ сув шекиллеринен огърашмасы ичюн суньий сув хавзалары»;
бешинджи сатырбашы «ве пляж зоналары, не ерде сувда эглендже васталары ве сув аттракционлары ерлештирильген, эм де спортнынъ сув шекиллеринен огърашмасы ичюн суньий сув хавзалары»;
2-нджи пунктында:
2.1 пунктастында:
единджи сатырбашы ашагъыдаки тарирде арз этильсин:
«пляжнынъ эр бир 25 м месафеде сувдан 10 м къадар къалкъанлар ерлештириле (къурумлар) къуртарыджы мулькиетинен (пляж алкъасы, Александров донатмасы)»;
онунджы сатырбашы ашагъыдаки тарирде арз этильсин:
«пляж акваториясынынъ алты тегиз, сыкъ, енгиль иниш иле, 1,75 м деренлиги иле, саильден 50 м аз олмагъан, раатланыджыларнынъ аяты ве сагълыгъы ичюн телюкели олгъан есунлар, суесунлар, агъачлардан, чешит шейлерден темизленген, ве пляжнынъ сувасты къысмы меджбурий далгъыджыларынен, раатланыджылар ичюн телюкели шейлер екъ этильмесинен, тедкъикъ этильмесине аит»;
2.7. пунктастында «Украина тасиль ве илим Назирлигининъ аит лицензиясыны эльде эткен тешкилятларынен» сезлери «Украина тасиль ве илим Назирлигининъ аит лицензиясыны эльде эткен къаза-къуртарыджы хызметлеринен аттестацион олунгъан» сезлерине денъиштирильсин;
2.8. пунктасты ашагъыдаки тарирде арз этильсин:
«2.8. Пляж акваториясынынъ алты тедкъикъ этильмеси, темизленмесине (эалининъ сувда кутьлевий раатланув ерлери) ве аит акт такъдим этильмесине укъугъыны артма телюкеси ишлери (далгъыджы ишлери) эда этильмесине Украина Девэмеккъорувнезарети органларындан изин эльде эткен, эм де къануннен тайинленген тертипте аттестацион кечкен къаза-къуртарыджы хызметининъ далгъыджылары эльде эте»;
3.10 пунктастынынъ бешинджи сатырбашында «къалкъанларда» сезлери «къурумларда» сезлеринен текмилленсин;
4-нджи пунктынынъ 4.12 пунктасты ашагъыдаки тарирде арз этильсин:
«4.12. Сув станциялары, истисмар этюв базалары ве дуракълары истисмар этильмеси къаза-къуртарув хызмет косьтерильмесине аттестацион къаза-къуртарув хызметинен мушавере тизильмегендже, Къырым Мухтар Джумхуриетинде февкъульаде вазиетлер боюнджа Украина Девлет хызмети Баш идарелигининъ территориаль болюклерининъ изини берильмегендже, эм де мезкюр Укюмлернинъ 1 пунктынен козьде тутулгъан комиссиянынъ джеми азаларынен тизильген ве имзалангъан аит акт олмагъандже ясакъ этиле»;
5-нджи пунктында:
пунктынынъ адланувында «сувасты ялдайыджылары (аквалангистлер)» сезлери «далгъыджылар» сезлерине денъиштирильсин;
5.1 пунктастында «сувасты ялдайыжылары» сезлери «далгъыджылар» сезлерине денъиштирильсин;
5.5 пунктастында «сувасты ялдайыджы (аквалангист)» сезлери «далгъыджы» сезлерине денъиштирильсин;
5.10 пунктасты ашагъыдаки тарирде арз этильсин:
«5.10. Саильден я да ялдама васталарындан далыштан огюне къоруйыджы ишарет котерильмек керек – «А» ишарети («Альфа») – акъ байракъ (480 x 300 мм) мавы явлукънен ( 200 м)»;
5.11 пунктастынынъ биринджи джумлесинде «сув асты ялдайыджылары» сезю «далгъыджылары» сезюне денъиштирильсин;
5.13 пунктастынынъ онунджы сатырбашы лягъу этильсин;
5.15 пунктастында «(аквалангистлер)» сезю лягъу этильсин;
5.17 пунктасты лягъу этильсин;
5.18 пунктастында «сувасты ялдайыджылары» сезю лягъу этильсин.
1.3. Мезкюр Къарарнен тасдикълангъан штат персоналынынъ азырлыгъы, онынъ функциональ вазифелери, идаре къуртарыджы постларнынъ иши акъкъында Низамнамесинде:
1-нджи пунктында:
1.3 пунктастында «сувасты ялдайыджысы» сезю лягъу этильсин;
1.9 пунктастында «сувасты ялдайыджылары» сезю «далгъыджылары» сезюне денъиштирильсин;
1.11 пунктастында «сувасты ялдайыджы» сезю лягъу этильсин;
2-нджи пунктнынъ 2.1 пунктастынынъ джедвелинде:
4-нджи сатырнынъ 2-нджи графасынынъ экинджи сатырбашында «енгильдалгъыч» сезю «далгъыч» сезюне денъиштирильсин;
5-нджи сатырнынъ 2-нджи графасынынъ «а» пунктасты ашагъыдаки тарирде арз этильсин:
«а) далгъычларнен (денъизджи-къуртарыджыларынен):
далгъыч течхизаты иле файдаланувгъа азырлыкъ корюв ве далгъычны кийиндирюв (вакъыт эсапкъа алына);
сув астына башкъа далгъычнынъ ярдымы иле далгъычларнынъ эниши, топракътан макет арамакъ ве котерильмеси»;
3-нджи пуктында:
3.1 пунктастынынъ 3.1.3 пунктастындаки джедвелининъ 3-нджи сатырында:
1-нджи графада «енгильдалгъыч (сувасты ялджайыджы) сезлери «далгъыч» сезюне денъиштирильсин»;
2-нджи графанынъ бешинджи ве единджи сатырбашларында «енгильдалгъыч» сезю «далгъыч» сезюне денъиштирильсин»;
3.2 пунктастынынъ джедвелинде:
«Къуртарыджынынъ нормативлери эда этильмеси» сатырнынъ «Норматив» графасынынъ экинджи сатырбашында «5 дакъкъа» сезю «2 дакъкъа» сезлерине денъиштирильсин;
4 пунктында:
4.2 пунктасты ашагъыдаки тарирде арз этильсин:
«4.2. Сувда инсанларнынъ аятыны къорув боюнджа пост озь функцияларыны месулиетли зонада минималь теркибинде эда эте (пляжнынъ узунлыгъы 100 м эсабындан):
башлыгъы — далгъыч;
денъизджи-къуртарыджы — далгъыч;
тиббиет хадими.
Постнынъ теркиби пляжнынъ 50 м-ге 1 денъизджи-къуртарыджы эсабына даир арта»;
4.3 пунктасты ашагъыдаки тарирде арз этильсин:
«4.3. Пост ашагъыдакинен теминленмек керек:
Адланувы |
Микъдары |
|
1 |
2 |
|
ЯЛДАМАВАСТАЛАР |
||
Къуртарыджы курекли филикъа |
1 ( 100 м пляжгъа) |
|
Къуртарыджы курекли къайыкъ (къуртарыджы гидроцикл) |
1 ( 300 м зияде пляжнынъ узунлыгъы иле) |
|
КЪУРТАРЫДЖЫ ВАСТАЛАР |
||
Александров донатмасы |
2 |
|
Къуртарыджы тахта (бору) |
Эр бир денъизджи-къуртарыджыгъа |
|
200 м узунлыгъынен къуртарыджы донатма |
1 |
|
Пляж алкъасы |
1 (эр бир 25 м пляжгъа) |
|
40 м узунлыгъынен къуртарыджы донатма |
1 |
|
Мегафон |
1 |
|
Сызгъырткъыч |
Эр бир денъизджи-къуртарыджыгъа |
|
Байракълар комплекти |
Эр бир денъизджи-къуртарыджыгъа |
|
Джан къуртаргъан елек |
Ялдайыджы вастанынъ паспорту эсабындан + 1 дане къошма |
|
Джан къуртаргъан елек |
Эр бир денъизджи-къуртарыджыгъа |
|
Къуртарыджы шест |
2 |
|
Къуртарыджы |
2 |
|
Сиххи чанта я да эчза долабы |
2 |
|
Къуртарыджы седие |
1 |
|
ДАЛГЪЫЧНЫНЪ ТЕЧХИЗАТЫ |
||
Далгъыджы нефес алув аппараты (донатылгъан) |
2 |
|
Ярымаске |
Эр бир денъизджи-къуртарыджыгъа |
|
Ласт |
Эр бир денъизджи-къуртарыджыгъа |
|
Нефес алмакъ ичюн бору |
Эр бир денъизджи-къуртарыджыгъа |
|
Къушакънен далгъыджы пычакъ |
2 |
|
50 м узунлыгъынен ишарет бериджи донатма (35—50 мм чевресинен) |
1 |
|
ВЕСИКЪАЛАР |
||
Вахта дергиси |
1 |
|
Далгъыджы дергиси |
1 |
|
Пляжнынъ тиббий пунктынынъ амбулатор дергиси |
1 |
|
Радиотрансляцион узелнинъ аппарат дергиси |
1 |
|
Арекет этюв районунынъ харитасы я да схемасы |
1 |
|
Невбетчиликнинъ джедвели |
1 |
|
Мулькиетининъ джедвели |
1 |
|
Тешвикъат комплекти |
1 |
|
Постнынъ векялетли шахсларнынъ иши боюнджа къаиделер дергиси |
1 |
|
Эмеккъорув боюнджа къаиделер дергиси |
1 |
|
Пляжнынъ сынъырларынен тайин этильген, саильден 50 м-дже, сув акваториясы сынъырлары постнынъ месулиетли этрафы оларакъ сайыла. Алчакъ сув ерлеринде месулиетли этрафы къорулгъан ерине къадар тайин этиле;
2. Мезкюр регулятор актнынъ акъибети незарет этильмеси ве «Ходжалыкъ фаалиети саасында девлет регулятор сиясетининъ негизлери акъкъында» Украина Къанунынен козьде тутулгъан муддетлери ичинде незарет этюв акъибетлери дердж этильмеси Къырым Мухтар Джумхуриетининъ Назирлер Шурасына авале этильсин».
3. Мезкюр Къарар эда этильмеси узеринден незарет Къырым Мухтар Джумхуриети Юкъары Радасынынъ санаториум-курорт комплекси, туризм ве саипкярлыкъ боюнджа Даимий комиссиясына авале этильсин.
4. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2013 сенеси, майыс 22, № 1278-6/13