КъМДж ЮР Къарары

О внесении изменения в Порядок предоставления арендатору согласия арендодателя имущества, принадлежащего Автономной Республике Крым, на осуществление неотъемлемых улучшений арендованного имущества, принадлежащего Автономной Республике Крым, утвержденный Постановлением Верховной Рады Автономной Республики Крым от 16 июня 2010 года № 1815-5/10

Къырым Мухтар Джумхуриети Юкъары Радасынынъ 2010 сенеси июнь 16-да къабул олунгъан 1815-5/10 санлы Къарарынен тасдикълангъан Къырым Мухтар Джумхуриетине аит иджаредеки мулькиети эйилештирильмесине, Къырым Мухтар Джумхуриетине аит мулькиети саибининъ кираджыгъа разылыгъы берильмеси Тертибине денъишме кирсетильмеси акъкъында

Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына, Къырым Мухтар Джумхуриети Юкъары Радасынынъ 2011 сенеси мартнынъ 16-да къабул олунгъан 271-6/11 санлы Къарарынен тасдикълангъан Къырым Мухтар Джумхуриети Юкъары Радасынынъ даимий комиссиялары ве оларнынъ арекетлери акъкъында Низамнамесине мувафыкъ

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриети Юкъары Радасынынъ 2010 сенеси июнь 16-да къабул олунгъан 1815-5/10 санлы Къарарынен (Къырым Мухтар Джумхуриетининъ норматив-укъукъий актлар Топламы, 2010 с., № 6, 477 мад.) тасдикълангъан Къырым Мухтар Джумхуриетине аит иджаредеки мулькиети эйилештирильмесине, Къырым Мухтар Джумхуриетине аит мулькиети саибининъ кираджыгъа разылыгъы берильмеси Тертибине ашагъыдаки денъишме кирсетильсин:

5-нджи пунктында «Къырым Мухтар Джумхуриети Юкъары Радасынынъ саиплештирюв меселелери боюнджа Незарет комиссиясынынъ отурышлары протоколундан кочюрмелер» сезлери «саиплештирюв узеринден незарет эда этильмеси вазифесинде булунгъан Къырым Мухтар Джумхуриети Юкъары Радасынынъ Даимий комиссиясынынъ укюмлери» сезлерине денъиштирильсин.

2. Мезкюр Къарар дердж этильген кунюнден арекетке кире.

Къырым Мухтар Джумхуриети Юкъары Радасынынъ Реиси В. КОНСТАНТИНОВ

Симферополь ш., 2013 сенеси, апрель 17,

№ 1244-6/13