Къырым Мухтар Джумхуриети Юкъары Радасынынъ базы къарарларына денъишмелер кирсетильмеси акъкъында
Къырым Мухтар Джумхуриети Анаясасынынъ 26-нджы маддесиндеки экинджи къысмына мувафыкъ, Къырым Мухтар Джумхуриетинде «Эалининъ ишнен теминленмеси акъкъында» Украина Къануны ве Украина Назирлер Кабинетининъ 2012 сенеси октябрь 15-де къабул олунгъан 1008 санлы Къарарынен тасдикълангъан 2017 сенесине къадар деврине эалини ишнен теминлевине къол тутув ве янъы иш ерлери мейдангъа кетирильмесини рагъбетлендирюв Програмы амельге кечирильмесини теминлев макъсадына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2010 сенеси декабрь 28-де къабул олунгъан 162-6/10 санлы Къарарынен (Къырым Мухтар Джумхуриетининъ норматив-укъукъий актлар Топламы, 2010 с., № 12, 2-нджи къ., 1050 мад.; 2011 с., № 4, 273 мад., № 10, 757 мад., № 12, 1-нджи къ., 918 мад., 940 мад.; 2012 с., № 3, 121 мад., № 4, 232 мад., № 9, 599 мад., № 12, 1-нджи къ., 876 мад.; 2013 с., № 2, 59 мад.) тасдикъланган Къырым Мухтар Джумхуриетининъ 2011—2013 сенелерине эалининъ ичтимаий къорчаланмасы ве ишнен теминленмеси Програмына ашагъыдаки денъишмелер кирсетильсин:
1) III болюгининъ 2-нджи пунктынынъ 2.29 пунктастында:
отуз дертюнджи — отуз единджи сатырбашлары лягъу этильсин;
ашагъыдаки мундериджели сатырбашларынен текмилленсин:
«Эалини ишнен теминлев акъкъында» Украина Къануны, Украина Назирлер Кабинетининъ 2012 сенесининъ октябрь 15-де къабул олунгъан 1008 санлы Къарарынен тасдикълангъан 2017 сенесине къадар деврине янъы иш ерлери мейдангъа кетирильмесини рагъбетлендирюв ве эалини ишнен теминленмесине къол тутув Програмы Къырым Мухтар Джумхуриетинде эмек чаршысында вазиетнинъ илеридеки эйилешмесине къол тута.
2013 сенесинде эмек чаршысыны тертиплештирювнинъ эсас енелишлеринден бириси эмек саасынынъ кенишленюви ве янъы иш ерлери мейдангъа кетирильмесинде ишнен теминлейиджилернинъ менфаатыны рагъбетлендирюв. Бу макъсатнен иш алып барыладжакъ:
янъы иш ерлери мейдангъа кетирильмеси ве сакълап къалынмасы ичюн ишнен теминлейиджилерни рагъбетлендирювине аит, шу сырада ватандашлар эмек чаршысында ракъиплик къабилиети олмагъанлары ичюн «Эалини ишнен теминлев акъкъында» Украина Къанунынынъ низамнамелери амельге кечирильмеси;
ишнен теминлейиджилерни, эм де ишке алынгъан хадимлерини къанун боюнджа ишнен теминленмесине рагъбетлендирюви боюнджа;
кой ерлеринде эалини ишнен теминлев меселелери аль этильмеси боюнджа, айырды койходжалыгъы истисал ве хызмет косьтерюв кооперативлери инкишафы вастасынен;
ватандашларнынъ саипкярлыкъ тешеббюслерини арттырувына къол тутув боюнджа;
мувакъкъат олгъан ичтимаий ве дигер ишлери тешкиль этильмеси ве кечирильмесине къол тутув боюнджа.
Икътисадий фааль эалининъ ихтисас севиеси ве ракъиплиги артмасы бойле усулынен кечириледжек:
джедвельге алынгъан ишсизлернинъ профессиональ тасиль тешкиль этильмесини теминлев, шу сырада интеграцион зенаатлар боюнджа тасили;
иш зенаатларына профессиональ тасилининъ акъибетлери тасдикъланмасы боюнджа иши тешкиль этильмесине къол тутув;
джумхуриетнинъ эмек чаршысында энъ чокъ талап этильген зенаатлар ве унерлер боюнджа гъайрыдан тасиль алынмасында 45 яшындан буюк олгъан эалиге тасиль хызметлери теленмесине ваучер такъдим этильмеси вастасынен къол тутув.
Эмек чаршысында ишчилер микъдарыны арттырув меселелери аль этильмеси ве эмек миграциону тертиплештирювини мукеммеллештирюв макъсадында иш алып барыладжакъ:
ишнен теминленмесинде ортакълыгъы боюнджа хызметлер такъдим этильген ходжалыкъ субъектлеринен ишбирлигини арттырув боюнджа;
Украинада четэль адамларнынъ эмегинен файдаланув узеринден незарет эда этильмеси боюнджа;
ишчилерге талаплары ве теклифлери арасында дисбаланс алчакълатув боюнджа эмек теминлеви ве мескен такъдим этильмеси имкянларыны эсапкъа аларакъ, биринджиден кой ерлеринде.
Ичтимаий къорулмасында мухтадж олгъан ве эмек чаршысында айны шартларда ракъиплик кейфиети олмагъан ватандашларны ишнен теминленмесине къол тутув бойле усулынен эда этиледжек:
эльде эткен ихтисасы я да унери боюнджа биринджи иш ерине ерлештирильмесинде къол тутув, биринджиден яшлар ве сакъат шахсларны ве эалининъ ичтимаий эксикликлери олгъан категорисине аит дигер шахсларына;
сакъат олгъан шахсларнынъ профессиональ тасилине къол тутув;
ватандашларнынъ ракъиплик кейфиети олмагъан категориси ичюн ишханелер, муэссиселер ве тешкилятларда иш ерлерини айыртмакъ.
Ишнен теминлев меркезлернинъ 2013 сенесинде къол тутувы иле айры беден талаплары иле 300 зияде инсан ишнен теминленеджек, 150 якъын сакъатлар профессиональ тасиль аладжакълар, сакъатларны ичтимаий къорчалав Фондунынъ я да Украинанынъ умуммеджбурий девлет ичтимаий сигортасы Фондунынъ васталары эсабына ишсизлик вакътына.
2013 сенесинде чалышкъан сакъталарнынъ умумий микъдары 17,8 бинъ инсан теркип этеджек.
Джедвельге алынгъан ишсизлерге ичтимаий хызмет такъдим этильмеси ве ишсизлигининъ огюни алув девлет ишнен теминлев хызметининъ фааль иши кечирильмесини козьде туталар.
2013 сенесинде ишнен теминлев меркезлернинъ хызметлеринен тахминен 74 инсан файдаланаджагъы козьде тутула. Ишнен теминленмеген 25,6 бинъ инсанны ишнен теминленмеси, мувакъкъат ичтимаий ве дигер ишлерге 6,1 бинъ инсан джельп этильмеси, профессиональ азырланувгъа, гъайрыдан азырланувгъа ве ихтисасыны арттырувына 7,3 бинъ инсан елланмасы планлаштырыла. 45 яшындан буюк тахминен 1 бинъ ватандаш гъайрыдан азырланув я да ихтисасыны арттырмакъ ичюн ваучерлер эльде этеджеклер, 100 инсан формаль олмагъан профессиональ тасилининъ акъибетлери тасдикъланмасына елланаджакъ;
2) мезкюр Програмнынъ 1-нджи Илявесинде:
2,5 ве 5.1 джедвеллери янъы тарирде арз этильсин (иляве этиле) *;
5.2, 5.3, 5.4 джедвеллери лягъу этильсин;
3) мезкюр Програмнынъ 3-нджи Илявесинде II болюк 8-нджи пункт иле текмилленсин (иляве этиле) *.
2. Къырым Мухтар Джумхуриети Юкъары Радасынынъ 2012 сенесин декабрь 26-да къабул олунгъан 1071-6/12 санлы Къарарынен (Къырым Мухтар Джумхуриетининъ норматив-укъукъий актлар Топламы, 2012 с., № 12, 1-нджи къ., 399 мад.) тасдикълангъан 2013—2016 сенелерине Къырым Мухтар Джумхуриетининъ «Къырым сакинлернинъ сагълыгъы» Комплекс програмына ашагъыдаки денъишмелер кирсетильсин:
мезкюр Програмнынъ 2-нджи Илявесинде:
2 приоритетнинъ III болюгиндеки 13 пунктынынъ 3-нджи графасы ашагъыдаки тарирде арз этильсин:
«Мулькчилигининъ коммуналь шекиллеринде сагълыгъыны сакълав муэссиселеринен ве Къырым Мухтар Джумхуриетине аит мулькиети негизинде мейдангъа кетирильгенлернен аз масрафлы, амма юксек информацион бедава диагностик тедкъикъатлар кечирильмеси (къаннынъ умумий талили, сийдикнинъ умумий талили, къандаки шекернинъ талили, электрокардиографик, ультрасес тедкъикъатлары)».
3. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2013 сенеси, апрель 17,
№ 1240-6/13