«Къырымнынъ фашист истиляджылардан азат этильмесининъ 70 йыллыгъы» такъма хатыра бельгиси тесис этильмеси акъкъында
Украинанынъ 2012 сенеси октябрь 19-да къабул олунгъан «Украинаны фашистлер истиляджылардан азат этильмесининъ 70 йыллыгъы ве 1941—1945 сенелери Улу Ватан дженкинде Гъалебенинъ 70 йыллыгъы къайд этильмеси себеби иле тедбирлер корюлмеси акъкъында» 604/2012 санлы Ферманына, Къырым Мухтар Джумхуриети Анаясасынынъ 9-нджы маддесининъ учюнджи къысмына, 26-нджы маддесиндеки экинджи къысмынынъ 1-нджи пунктына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. «Къырымны фашист истиляджылардан азат этильмесининъ 70 йыллыгъы» такъма хатыра бельгиси тесис этильсин.
2. «Къырымнынъ фашист истиляджылардан азат этильмесининъ 70 йыллыгъы» такъма хатыра бельгиси акъкъында Низамнамеси тасдикълансын (иляве этиле) *.
3. Къырым Мухтар Джумхуриети Юкъары Радасынынъ нормаяратыджылыкъ фаалиети, Юкъары Радасынынъ ишини тешкиль этюв ве джемиетнен багъ боюнджа Даимий комиссиясына 2013 сенесининъ сентябрь 1-не къадар «Къырымны фашист истиляджылардан азат этильмесининъ 70 йыллыгъы» такъма хатыра бельгисининъ нусхалары ве тасвирлери ве такъма хатыра бельгисининъ шеадетнамелери ишлеп чыкъарылсын ве тайинленген тертипте тасдикъланмасы ичюн Къырым Мухтар Джумхуриети Юкъары Радасынынъ Президиумына кирсетильсин.
4. Къырым Мухтар Джумхуриетининъ Назирлер Шурасына:
Къырым Мухтар Джумхуриетининъ 2014 сенесине бюджет лейихасы тешкиль этильмеси заманда «Къырымны фашист истиляджылардан азат этильмесининъ 70 йыллыгъы» такъма хатыра бельгилери ве оларгъа шеадетнамелер япылмасы малиенен теминленмесине васталар козьде тутулсын;
2014 сенесининъ апрель 1-не къадар юкъары къайд этильген 1000 такъма хатыра бельгилери ве оларгъа шеадетнамелер япылмасы теминленсин.
5. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2013 сенеси, апрель 17,
№ 1234-6/13