Къырым Мухтар Джумхуриети Юкъары Радасынынъ базы къарарларына денъишмелер кирсетильмеси акъкъында
Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1, 4, 5 пунктларына мувафыкъ, Къырым Мухтар Джумхуриетининъ акимиети органлары я да Къырым Мухтар Джумхуриетине аит оларнынъ аппаратлары, ишханелери, муэссиселери, тешкилятлары балансларында булунгъан эсас васталары эсаптан чыкъарылмасыны тертиплештирюв макъсадына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетине аит объектлерини эсаптан чыкъарув Тертиби тасдикълансын (иляве этиле) *.
2. Къырым Мухтар Джумхуриети Юкъары Радасынынъ 1999 сенеси апрель 21-де къабул олунгъан 459-2/99 санлы Къарарынен (Къырым Мухтар Джумхуриетининъ норматив-укъукъий актлар Топламы, 1999 с., № 4, 323 мад.; 2001 с., № 6, 565 мад., № 10, 1062 мад.; 2002 с., № 10, 1057 мад.; 2010 с., № 2, 64 мад.; 2011 с., № 10, 759 мад.) тасдикълангъан Къырым Мухтар Джумхуриетине аит я да онынъ идарелигине теслим этильген мулькиетини идаре этюв тертиби акъкъында Низамнамесине ашагъыдаки денъишмелер кирсетильсин:
18-нджи пунктынынъ 18.1 пунктасты ашагъыдаки мундериджели он учюнджи сатырбашнен текмилленсин:
«Къырым Мухтар Джумхуриетине аит объектлери эсаптан чыкъарылмасы акъкъында укюмлерини Къырым Мухтар Джумхуриетининъ Юкъары Радасынен тайинленген тертипке мувафыкъ къабул эте»;
он учюнджи-он бешинджи сатырбашлары он дертюнджи-он алтынджы сатырбашлары оларакъ сайылсын;
19-нджы пунктынынъ 19.1 пунктастынынъ бешинджи сатырбашы ашагъыдаки тарирде арз этильсин:
«Къырым Мухтар Джумхуриетине аит объектлери эсаптан чыкъарылмасы акъкъында укюмини Къырым Мухтар Джумхуриетининъ Юкъары Радасынен тайинленген тертипке мувафыкъ къабул этелер»;
20-нджи пункт ашагъыдаки мундериджели сатырбашларынен текмилленсин:
«такъдим этильген векялетлер сынъырларында Къырым Мухтар Джумхуриетине аит, онынъ идарелиги саасында булунгъан, мулькиетини, эм де бутюн мулькиет комплекслери теркибинде иджареге теслим этильген Къырым Мухтар Джумхуриетине аит мулькиетини эсаптан чыкъарув боюнджа укюмини къабул эте;
ред этильмеси, эсаптан чыкъарылмасы, маддий къыйметлери дереджесине теслим этильмесини Украина ве Къырым Мухтар Джумхуриетининъ укъукъий актларына мувафыкъ уйгъунлаштыра;
23-нджи пункт ашагъыдаки тарирде арз этильсин:
«23. Къырым Мухтар Джумхуриетине аит объектлерини эсаптан чыкъарув
Къырым Мухтар Джумхуриети Юкъары Радасынынъ Ишлери идарелиги ве Къырым Мухтар Джумхуриети Назирлер Шурасынынъ Аппараты – Къырым Мухтар Джумхуриетининъ Назирлер Шурасынынъ Ишлери идарелигининъ, Къырым Мухтар Джумхуриетининъ иджра акимиети органларнынъ, ишханелернинъ, муэссиселернинъ, тешкилятларнынъ балансларында булунгъан Къырым Мухтар Джумхуриетине аит объектлери эсаптан чыкъарылмасы Къырым Мухтар Джумхуриетининъ Юкъары Радасынен тайинленген тертипке мувафыкъ эда этиле».
3. Къырым Мухтар Джумхуриети Юкъары Радасынынъ 1993 сенеси майыс 21-де къабул олунгъан 320-I Къарарынен (Къырым Юкъары Шурасынынъ Топламы, 1993 с., № 3, 165 мад.; (Къырым Мухтар Джумхуриетининъ норматив-укъукъий актлар Топламы, 1999 с., № 4, 336 мад., № 7, 687 мад.; 2002 с., № 6, 496 мад.; 2003 с., № 3, 215 мад.; 2011 с., № 2, 103 мад.) тасдикълангъан Къырым Мухтар Джумхуриети Юкъары Радасынынъ Ишлери идарелиги акъкъында Низамнамесине ашагъыдаки денъишме кирсетильсин:
III болюгининъ единджи сатырбашында «наляйыкъ олгъан» сезлери лягъу этильсин.
4. Озь кучьни джойды деп сайылсын:
Къырым Мухтар Джумхуриети Юкъары Радасынынъ 2009 сенеси октябрь 21-де къабул олунгъан «Къырым Мухтар Джумхуриетине аит ишханелер, муэссиселер, тешкилятлар балансларында булунгъан эсас васталары эсаптан чыкъарылмасы тертиби акъкъында Низамнамеси акъкъында» 1413-5/09 санлы Къарары (Къырым Мухтар Джумхуриетининъ норматив-укъукъий актлар Топламы, 2009 с., № 10, 778 мад.; 2011 с., № 6, 502 мад.);
Къырым Мухтар Джумхуриети Юкъары Радасынынъ 2011 сенеси июнь 15-де къабул олунгъан «Къырым Мухтар Джумхуриети Юкъары Радасынынъ 2009 сенеси октябрь 21-де къабул олунгъан 1413-5/09 санлы Къарарынен тасдикълангъан Къырым Мухтар Джумхуриетине аит ишханелер, муэссиселер, тешкилятлар балансында булунгъан эсас васталары эсаптан чыкъарылмасы тертиби акъкъында Низамнамесине денъишмелер кирсетильмеси акъкъында» 427-6/11 санлы Къарары (Къырым Мухтар Джумхуриетининъ норматив-укъукъий актлар Топламы, 2011 с., № 6, 502 мад.).
5. Озь актларыны мезкюр Къараргъа мувафыкъ кетирмек Къырым Мухтар Джумхуриетининъ Назирлер Шурасына авале этильсин.
6. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2013 сенеси, март 27,
№ 1202-6/13