КъМДж ЮР Къарары

О расширении и упорядочении сети территорий и объектов природно-заповедного фонда местного значения в Автономной Республике Крым и внесении изменений в Постановление Верховной Рады Автономной Республики Крым от 20 декабря 2006 года № 284-5/06 "О ходе выполнения Постановления Верховной Рады Автономной Республики Крым от 20 октября 2004 года № 1097-4/04 "Об установлении границ природных комплексов территорий и объектов природно-заповедного фонда местного значения в Автономной Республике Крым"

Къырым Мухтар Джумхуриетинде ерли эмиети олгъан табиат-къорукъ фонду этрафларнынъ ве объектлернинъ агъларыны кенълештирюв ве тертиплештирюв акъкъында ве Къырым Мухтар Джумхуриети Юкъары Радасынынъ 2006 сенеси декабрь 20-де къабул олунгъан «Къырым Мухтар Джумхуриети Юкъары Радасынынъ 2004 сенеси октябрь 20-де къабул олунгъан «Къырым Мухтар Джумхуриетинде ерли эмиети олгъан табиат-къорукъ фонду этрафларнынъ ве объектлернинъ сынъырлары тайин этильмеси акъкъында» 1097-4/04 санлы Къарары эда этильмеси кетишаты акъкъында» 284-5/06 санлы Къарарына денъишмелер кирсетильмеси акъкъында

Къырым Мухтар Джумхуриети Анаясасынынъ 17-нджи маддесининъ биринджи, экинджи къысымларына, 18-нджи маддесининъ биринджи къысмынынъ 9-нджы пунктына, 26-нджы маддесининъ экинджи къысмынынъ 35-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки экинджи къысмынынъ 38-нджи пунктына, «Этрафтаки табиат муитини къорув аъкъында» Украина Къанунынынъ 14-нджи маддесининъ биринджи къысмынынъ «є» пунктына, «Украина табиат-къорукъ фонду акъкъында» Украина Къанунынынъ 3, 25, 51, 52, 53, 54 мадделерине мувафыкъ, къыйметли табиат комплекслери ве объектлерини къорув, эльверишли файдаланув ве гъайрыдан тиклев макъсатларына мувафыкъ

Къырым Мухтар Джумхуриетининъ Юкъары Радасы к ъ а р а р б е р е:

1. 1, 2 илявелерге мувафыкъ Къырым Мухтар Джумхуриети этрафында ерли эмиети олгъан табиат-къорукъ фонду этрафлары ве объектлери тешкиль этильсин ве беян этильсин.

2. Мезкюр Къарарнынъ 1-нджи пунктына мувафыкъ тешкиль этильген ве беян этильген ерли эмиети олгъан табиат-къорукъ фонду этрафлары ве объектлерининъ файдаланыджыларына Къырым Мухтар Джумхуриетининъ этрафтаки табиат муитини къорув боюнджа Джумхуриет комитесинен бирликте:

къорув вазифелерини ресмийлештирмек;

табиат-къорукъ фонду этрафлары ве объектлерининъ сынъырлары тешкиль олунмасы ве тайин этильмеси боюнджа топракъ къурулышы лейихалары ишлеп чыкъарылмасы теминленсин.

3. 3-нджи Илявеге мувафыкъ Къырым Мухтар Джумхуриетинде ерли эмиети олгъан табиат-къорукъ фонду этрафларынынъ сынъырлары, категорилери денъиштирильсин.

4. Къырым Мухтар Джумхуриети Юкъары Радасынынъ 2006 сенеси декабрь 20-де къабул олунгъан «Къырым Мухтар Джумхуриети Юкъары Радасынынъ 2004 сенеси октябрь 20-де къабул олунгъан «Къырым Мухтар Джумхуриетинде ерли эмиети олгъан табиат-къорукъ фонду этрафларнынъ ве объектлернинъ сынъырлары тайин этильмеси акъкъында» 1097-4/04 санлы Къарары эда этильмеси кетишаты акъкъында» 284-5/06 санлы Къарарына (Къырым Мухтар Джумхуриетининъ норматив-укъукъий актлар Топламы, 2006 с., № 12, 1-нджи къ., 1156 мад.) ашагъыдаки денъишмелер кирсетильсин:

Мезкюр Къарарнынъ Илявесинде 2, 38, 78 сатырлары лягъу этильсин.

5. Мезкюр Къарарнынъ 2-нджи пункты эда этильмеси узеринден незарет Къырым Мухтар Джумхуриети Юкъары Радасынынъ топракъ, аграр меселелери, экологик ве мемурий-территориаль къурулышы боюнджа Даимий комиссиясына авале этильсин.

6. Мезкюр Къарар дердж этильген кунюнден арекетке кире.

Къырым Мухтар Джумхуриети Юкъары Радасынынъ Реиси В. КОНСТАНТИНОВ

Симферополь ш., 2013 сенеси, март 27,

№ 1196-6/13