Маломаякское, Изобильное кой шуралары ве Партенит къасаба шурасынынъ (Алушта ш.) этрафларында авджылыкъ арсалары мувакъкъат чокъ муддет иле файдаланувгъа такъдим этильмеси ве Къырым Мухтар Джумхуриети Юкъары Радасынынъ 1997 сенеси июнь 19-да къабул олунгъан «Авджылыкъ арсалары мувакъкъат чокъ муддет иле файдаланувгъа такъдим этильмеси акъкъында» 1229-I санлы Къарарына денъишме кирсетильмеси акъкъында
Украина Анаясасынынъ 137 маддесиндеки биринджи къысмынынъ 8-нджи пунктына, Къырым Мухтар Джумхуриети Анаясасынынъ 18-нджи маддесиндеки биринджи къысмынынъ 1, 2 пунктларына, 26-нджы маддесиндеки экинджи къысмынынъ 1, 31 пунктларына, Украинанынъ «Къырым Мухтар Джумхуриетининъ Юкъары Радасы акъкъында» Къанунынынъ 9-нджы маддесиндеки биринджи къысмынынъ 8-нджи пунктына, «Айванат алеми акъкъында» Украина Къанунынынъ 15-нджи маддесине, «Авджылыкъ ходжалыгъы ве авджылыкъ акъкъында» Украина Къанунынынъ 9, 22 мадделерине, Къырым Мухтар Джумхуриети Юкъары Радасынынъ 2006 сенеси ноябрь 22-де къабул олунгъан 259-5/06 санлы Къарарынен тасдикълангъан авджылыкъ арсалары мувакъкъат чокъ муддет иле файдаланувгъа такъдим этильмеси ве файдаланув укъугъы токътатылмасы иле багълы меселелер Къырым Мухтар Джумхуриетининъ Юкъары Радасында аль этильмеси Тертибине мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Мувакъкъат чокъ муддет иле 25 йылгъа файдаланувгъа «Алушта орман ходжалыгъы» Девлет ишханесине (идентификацион коду 20669030) Маломаякское, Изобильное кой шуралары ве Партенит къасаба шурасынынъ (Алушта ш.) этрафларында 8836 га умумий мейданлыгъынен авджылыкъ арсалары такъдим этильсин.
2. Къырым Мухтар Джумхуриети Юкъары Радасынынъ 1997 сенеси июнь 19-да къабул олунгъан «Мувакъкъат чокъ муддет иле файдаланувгъа авджылыкъ арсалары такъдим этильмеси акъкъында» 1229-I санлы Къарарына (Къырым Джумхуриет къанунджылыгъынынъ Джыйынтыгъы, 1997 с., № 6, 399 мад., № 11, 783 мад.; Къырым Мухтар Джумхуриетининъ норматив-укъукъий актлар Топламы, 1999 с., № 2, 110 мад., № 6, 581 мад.; № 8, 847 мад.; 2001 с., № 11, 1220 мад.; 2002 с., № 7, 597 мад.; 2004 с., № 10, 895 мад.; 2006 с., № 9, 747 мад.; 2007 с., № 6, 574 мад., № 9, 864 мад., № 10, 998 мад.; 2009 с., № 3, 153 мад., № 4, 268 мад.; 2010 с., № 9, 719 мад.; 2011 с., № 2, 104 мад., № 12, 925 мад.; 2012 с., № 4, 239 мад., № 11, 762 мад.; 2013 с., № 2) ашагъыдаки денъишме кирсетильсин:
мезкюр Къарарнынъ Илявеси ашагъыдаки мундериджели 9-нджы пункт иле текмилленсин:
«9. Мувакъкъат чокъ муддет иле 25 йылгъа файдаланувгъа «Алушта орман ходжалыгъы» Девлет ишханесине (идентификацион коду 20669030) 8836 га умумий мейданлыгъынен (эали пунктлары сынъырларындан тыш ерлешкен, «Алушта орман ходжалыгъы» девлет ишханеси, «Алушта» девлет ишханеси, «Таврида» девлет ишханеси, «Алушта эфирягълары совходж-заводу» акционер джемиети топракъларында) авджылыкъ арсалары такъдим этильсин, бойле сынъырларда:
гъарп, дженюп-гъарптан — Аюв-Дагъ бурунындан Къара денъиз ялысы бою, Алушта шеэр шурасы топракъларынынъ мемурий сынъырларына Къырым табиат къоругъы сынъырларына къадар, сонъра Къырым табиат къоругъынынъ сынъырлары боюнджа Чатыр-Дагъ байырына къадар;
шимальдан — Къырым табиат къоругъынынъ сынъырлары, «Симферополь орманавджылыкъ ходжалыгъы» девлет ишханеси боюнджа Симферополь — Алушта автоелу боюнджа;
шаркътан — Симферополь — Алушта автоелу боюнджа Къара денъиз ялысына къадар;
дженюп-шаркътан — Къара денъиз саили боюнджа Аюв-Дагъ бурунына къадар».
3. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2013 сенеси, март 27,
№ 1198-6/13