Къыры м Мухтар Джумхуриети Юкъары Радасынынъ 2006 сенеси сентябрь 22-де къабул олунгъан «Къырым Мухтар Джумхуриетининъ сув объектлеринде инсанларнынъ аятыны къорчалав Укъукълары тасдикъланмасы акъкъында» 178-5/06 санлы Къарарына денъишмелер кирсетильмеси акъкъында
Къырым Мухтар Джумхуриети Анаясасынынъ 16-нджы маддесине, 18-нджи маддесиндеки биринджи къысмынынъ 17-нджи пунктына, 26-нджы маддесиндеки экинджи къысмынынъ 1-нджи пунктына, Къырым Мухтар Джумхуриетининъ пляж этрафларынен семерели файдаланувыны арттырув, ватандашларнынъ истираатынынъ хавфсыз ве сагълам шартларыны теминлев макъсатларына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2006 сенеси сентябрь 22-де къабул олунгъан «Къырым Мухтар Джумхуриетининъ сув объектлеринде инсанларнынъ аятыны сакълав Укъукълары тасдикъланмасы акъкъында» 178-5/06 санлы Къарарына (Къырым Мухтар Джумхуриетининъ норматив-укъукъий актлар Топламы, 2006 с., № 9, 743 мад.; 2008 с., № 3, 159 мад.; 2009 с., № 2, 75 мад.; 2011 с., № 6, 500 мад.; 2012 с., № 4, 235 мад.) денъишмелер кирсетильсин:
1.1. 4-нджи пунктынынъ 4.1, 4.4 пунктастларында, 5-нджи пунктында «Къырым Мухтар Джумхуриетинде Украина ФВН Баш идарелиги» джеми келишлерде сезлер «Къырым Мухтар Джумхуриетинде февкъульаде вазиетлери боюнджа Украина Девлет хызметининъ баш идарелиги» джеми келишлерде сезлерге денъиштирильсин.
1.2. Мезкюр Къарарнен тасдикълангъан Къырым Мухтар Джумхуриетининъ сув объектлеринде инсанларнынъ аятыны сакълап къалув Укъукъларында:
1-нджи пунктынынъ 1.5 пунктастынынъ экинджи сатырбашы ашагъыдаки тарирде арз этильсин:
«Пляжнынъ ачылышы ве арекет этмесине паспорт пляжны истисмар этильмеси узеринден месулиетли ерли шуранынъ иджра комитеси реберининъ муавининден (Къырым Мухтар Джумхуриетинде район девлет мемуриетининъ реис муавини), Къырым Мухтар Джумхуриетинде Девсанэпидемхызметининъ Баш идарелигининъ территориаль органынынъ, Украинанынъ Къырым Мухтар Джумхуриетинде февкъульаде вазиетлер боюнджа Девлет хызметининъ Баш идарелиги территориаль органынынъ башлыкъларындан, эм де Къырым Мухтар Джумхуриетининъ сувходжалыгъы къуруджылыгъы ве суварув зираатчылыгъы (тек япыкъ сувхазинелери ичюн) боюнджа Джумхуриет комитесининъ темсильджисинден сонъ Къырым Мухтар Джумхуриетининъ курортлар ве туризм Назирлигининъ векялетли темсильджисинен имзалана»;
2 пунктынынъ 2.2, 2.3, 2.6, 2.8, 2.13 пунктастларында, 4-нджи пунктынынъ 4.1, 4.6, 4.8, 4.12, 4.13, 4.15 пунктастларында, 5-нджи пунктынынъ 5.2, 5.3, 5.18 пунктастларында «Къырым Мухтар Джумхуриетинде Украина ФВН Баш идарелиги» джеми келишлерде сезлер «Къырым Мухтар Джумхуриетининде февкъульаде вазиетлер боюнджа Украина Девлет хызметининъ Баш идарелиги» аит келишлерде сезлерге денъиштирильсин;
мезкюр Укъукъларгъа 1-нджи Иляве янъы тарирде арз этильсин (иляве этиле) *.
1.3. Мезкюр Къарарнен тасдикълангъан штат персоналы азырланмасы, онынъ функциональ вазифелери, идареликте олгъан къорчалав постларнынъ иши акъкъында Низамнамесинде:
1-нджи пунктынынъ 1.6, 1.7, 1.14 пунктастларында, 2-нджи пунктынынъ 2.1 пунктастында «Къырым Мухтар Джумхуриетинде Украина ФВН Баш идарелиги» сезлери джеми келишлерде «Къырым Мухтар Джумхуриетинде Украина февкъульаде вазиетлер боюнджа Девлет хызметининъ Баш идарелиги» аит келишлерде сезлерине денъиштирильсин;
6-нджы пунктынынъ 6.5 пунктастында «Украина ФВН» сезлери «Февкъульаде вазиетлер боюнджа Украина Девлет хызмети» сезлерине денъиштирильсин;
2. Мезкюр Къарар эда этильмеси узеринден незарет Къырым Мухтар Джумхуриети Юкъары Радасынынъ санаториум курорт комплекси, туризм ве саипкярлыкъ боюнджа Даимий комиссиясына авале этильсин.
3. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2013 сенеси, март 27,
№ 1193-6/13