Къырым Мухтар Джумхуриетинде 2013—2016 сенелерине верем хасталыгъынынъ огюни алув ве онъа къаршы куреш боюнджа Програмы акъкъында
Къырым Мухтар Джумхуриети Анаясасынынъ 16-нджы маддесине, 26-нджы маддесиндеки экинджи къысмынынъ 11-нджи пунктына, Украина 2012 сенеси октябрь 16-да къабул олунгъан 5451-VI санлы Къанунынен тасдикълангъан 2012—2016 сенелерине верем хасталыгъынынъ огюни алув ве онъа къаршы куреш боюнджа Умумдевлет макъсадлы ичтимаий програмына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде 2013—2016 сенелерине верем хасталыгъынынъ огюни алув ве онъа къаршы куреш боюнджа Програмы тасдикълансын (иляве этиле) *.
2. Къырым Мухтар Джумхуриетининъ Назирлер Шурасына авале этильсин:
2.1. Къырым Мухтар Джумхуриетинде 2013—2016 сенелерине верем хасталыгъынынъ огюни алув ве онъа къаршы куреш боюнджа Програмы амельге кечирильмеси боюнджа тедбирлер эда этильмесини теминлемек.
2.2. 2013 сенесине Къырым Мухтар Джумхуриетининъ бюджетине тайинленген тертипте денъишмелер кирсетильмеси заманда ве Къырым Мухтар Джумхуриетининъ 2014—2016 сенелерине бюджет лейихалары тешкиль этильмеси заманда бюджетнинъ келир къысмынынъ акъикъий сынъырларында Къырым Мухтар Джумхуриетинде 2013—2016 сенелерине верем хасталыгъынынъ огюни алув ве онъа къаршы куреш боюнджа Програмнынъ тедбирлери эда этильмесине васталар козьде тутмакъ.
3. Къырым Мухтар Джумхуриетинде ерли мустакъиль идарелиги органларына тевсие этильсин:
3.1. Къырым Мухтар Джумхуриетинде 2013—2016 сенелерине верем хасталыгъынынъ огюни алув ве онъа къаршы куреш боюнджа Програмы эда этильмеси боюнджа региональ тедбирлер ишлеп чыкъармакъ ве тасдикъламакъ.
3.2. 2013 сенесине ерли бюджетлерге денъишмелер тайинленген тертипте кирсетильгени заманда ве 2013—2016 сенелерине аит ерли бюджетлерининъ лейихалары тешкиль этильмеси заманда Къырым Мухтар Джумхуриетинде 2013—2016 сенелерине верем хасталыгъынынъ огюни алув ве онъа къаршы куреш боюнджа Програмы эда этильмеси боюнджа региональ тедбирлер амельге кечирильмесине эр йыл васталар козьде тутмакъ.
4. Мезкюр Къарар эда этильмеси узеринден незарет ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.
5. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2013 сенеси, март 27,
№ 1184-6/13