Къырым Мухтар Джумхуриети Анаясасынынъ 26 маддесиндеки экинджи къысмынынъ 1-нджи пунктына, Къырым Мухтар Джумхуриети Юкъары Радасынынъ 1999 сенеси апрель 21-де къабул олунгъан 459-2/99 санлы Къарарынен тасдикълангъан Къырым Мухтар Джумхуриетине аит я да онынъ идарелигине теслим этильген мулькиетинен идаре этюв тертиби акъкъында Низамнамесининъ 6, 7 пунктларына, Къырым Мухтар Джумхуриети Юкъары Радасынынъ 2000 сенеси июнь 21-де къабул олунгъан 1233-2/2000 санлы Къарарынен тасдикълангъан Къырым Мухтар Джумхуриетине аит мулькиетини теслим этюв тертиби акъкъында Низамнамесининъ 5-нджи пунктына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. «Ер йылышмаларына къаршы идарелиги» Къырым джумхуриет ишханеси балансында булунгъан ве Къырым Мухтар Джумхуриетине аит мулькиети теркибинден Феодосия шеэри территориаль джемиетининъ коммуналь мулькиетине теслим этильсин:
Феодосия шеэринде ерлешкен, 0,4 км умумий узунлыгъынен «Феодосия ш. ялы кенарынынъ пекитюв иншаатлары ве саильни абаданлаштырув» объекти, шу сырада: 1-нджи комплекс 0,2 км узунлыгъынен, истисмаргъа такъдим этюв йылы — 1980, 2-нджи комплекс 0,2 км узунлыгъынен, истисмаргъа такъдим этюв йылы — 1981;
Феодосия шеэринде ерлешкен, 0,192 км узунлыгъынен, «Десантников ялы кенарынынъ саилини пекитюв иншаатлары (Феодосия ш.)» объекти, истисмаргъа такъдим этюв йылы тайин этильмеген.
2. Мезкюр Къарарнынъ 1-нджи пунктында къайд этильген мулькиетини къабул-теслим этюв актларыны эльде эткен сонъ, Къырым Мухтар Джумхуриетине аит мулькиети теркибине денъишмелер кирсетильмеси акъкъында теклифлерни Къырым Мухтар Джумхуриетининъ Юкъары Радасына кирсетмек Къырым Мухтар Джумхуриетининъ Мулькиет фондуна авале этильсин.
3. Мезкюр Къарар эда этильмеси узеринден незарет Къырым Мухтар Джумхуриети Юкъары Радасынынъ бюджет, икътисадий ве сермия сиясети боюнджа Даимий комиссиясына авале этильсин.
4. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2012 сенеси, июнь 20,
№ 870-6/12