Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 1999 сенеси апрель 21-де къабул олунгъан 455-2/99 санлы Къарарынен (Къырым Мухтар Джумхуриетининъ норматив-укъукъий актлар Топламы, 1999 с., № 4, 319 мад.; 2008 с., № 5, 380 мад., № 6, 458 мад., № 10, 802 мад., 808 мад.; 2009 с., № 6, 473 мад.; 2010 с., № 6, 465 мад.; 2011 с., № 3, 1-нджи къ., 153 мад.; 2012 с., № 2, 42 мад.) тасдикълангъан Къырым Мухтар Джумхуриетининъ ярарлыкълар аляметлери акъкъында Низамнамесине ашагъыдаки денъишме кирсетильсин:
II болюгининъ 5-нджи башнынъ 3-нджи пункты ашагъыдаки мундериджели сатырбашларнен текмилленсин:
«Къырым Мухтар Джумхуриетинде нам къазангъан илим ве техник эрбабы» Къырым Мухтар Джумхуриетининъ шерефли унваны такъдим этильген заманда мукяфат япрагъына алим дереджеси такъдим этильмеси акъкъында дипломнынъ нусхасы ве эсас ильмий ишлернинъ джедвели иляве этиле.
«Къырым Мухтар Джумхуриетинде нам къазангъан санааткяр», «Къырым Мухтар Джумхуриетинде нам къазангъан санаат эрбабы», «Къырым Мухтар Джумхуриетинде нам къазангъан рессам» Къырым Мухтар Джумхуриетининъ шерефли унваны такъдим этильген заманда мукяфат япрагъына репертуар япрагъы, мейдангъа кетирильген тасвирий санаатынынъ эсерлер джедвели я да эсас сана ве дигер ишлернинъ джедвели иляве этиле.
«Къырым Мухтар Джумхуриетинде нам къазангъан мимар» Къырым Мухтар Джумхуриетининъ шерефли унваны такъдим этильген заманда мукяфат япрагъына мимарлыкъ ве (я да) реставрацион саасында эсас ишлернинъ джедвели иляве этиле».
2. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2012 сенеси, июнь 20,
№ 864-6/12