Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1, 7 пунктларына мувафыкъ, агросанайы комплексининъ ишханелерине кредилерни уджузлаштырув механизми вастасынен малиевий ярдымы эда этильмеси ичюн Къырым Мухтар Джумхуриетининъ бюджет васталарындан файдаланув механизми тайин этильмеси макъсатларына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Агросанайы комплексининъ ишханелерине кредилерни уджузлаштырув механизми вастасынен малиевий ярдым косьтерильмеси ичюн Къырым Мухтар Джумхуриетининъ бюджетинде козьде тутулгъан васталардан файдаланув Тертиби тасдикълансын (иляве этиле) *.
2. Агросанайы комплексининъ ишханелерине кредилерни уджузлаштырув механизми вастасынен малиевий ярдым косьтерильмеси козьде тутулгъан Къырым Мухтар Джумхуриетининъ 2012 сенесине бюджет васталарнынъ баш такъсимлейиджиси оларакъ Къырым Мухтар Джумхуриетининъ аграр сиясети ве эрзакъ Назирлиги тасдикълансын.
3. Мезкюр тертиплештириджи актнынъ акъибетини 2012 сенеси зарфында незарет этмек Къырым Мухтар Джумхуриетининъ Назирлер Шурасына авале этильсин, 2013 сенесининъ февраль айында незарет акъибетлери «Крымские известия» газетасында дердж этильсин.
4. Агросанайы комплексининъ ишханелерине кредилерни уджузлаштырув механизми вастасынен малиевий ярдымы косьтерильмесине догърутылгъан Къырым Мухтар Джумхуриетининъ бюджет васталарындан макъсатлы файдаланув узеринден незарет эда этильмеси Къырым Мухтар Джумхуриети Юкъары Радасынынъ Эсаплав болюгине авале этильсин.
5. Мезкюр Къарар эда этильмеси узеринден незарет Къырым Мухтар Джумхуриети Юкъары Радасынынъ топракъ, аграр меселелери, экологик ве мемурий-территориаль къурулышы боюнджа Даимий комиссиясына авале этильсин.
6. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2012 сенеси, июнь 20,
№ 861-6/12
_____________
* Къарар Илявесиз дердж этиле.