Къырым Мухтар Джумхуриети Юкъары Радасынынъ 2011 сенеси декабрь 28-де къабул олунгъан «Къырым Мухтар Джумхуриетининъ 2012 сенесине икътисадий ве ичтимаий инкишафы Програмы акъкъында» 657-6/11 санлы, 2011 сенеси декабрь 28-де къабул олунгъан «Къырым Мухтар Джумхуриетининъ 2012—2013 сенелерине аграр сектору инкишафы Програмы акъкъында» 658-6/11 санлы къарарларына мувафыкъ, Къырым Мухтар Джумхуриетинде отьмекнинъ ичтимаий чешитлерине фиятларыны темеллештирюв макъсадына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Эрзакъ захиреси сатын алынмасы, сакълап къалынмасы ве гъайрыдан ишленмеси боюнджа фаалиетни эда эткен ходжалыкъ субъектлерине малиевий ярдым косьтерильмеси Тертиби тасдикълансын (иляве этиле) *.
2. Эрзакъ захиреси амельге кечирильмеси боюнджа койходжмалистисалджылары тайин этильмеси боюнджа ярыш кечирильмеси Тертиби тасдикълансын (иляве этиле) *.
3. 2012 сенеси махсулдарлыгъындан эрзакъ захиреси сатын алынмасы, сакълап къалынмасы ве гъайрыдан ишленмеси боюнджа фаалиетини эда эткен ходжалыкъ субъектлерине малиевий ярдым косьтерильмесине козьде тутулгъан Къырым Мухтар Джумхуриетининъ 2012 сенесине бюджет васталарнынъ баш такъсимлейиджиси оларакъ Къырым Мухтар Джумхуриетининъ аграр сиясети ве эрзакъ Назирлиги тасдикълансын.
4. 2012 сенеси акъымында мезкюр тертиплештириджи актнынъ акъибети незарет этильмеси Къырым Мухтар Джумхуриетининъ Назирлер Шурасына авале этильсин, 2013 сенесининъ февраль айында акъибетлернинъ нетиджелери «Крымские известия» газетасында дердж этильсин.
5. 2012 сенеси махсулдарлыгъындан эрзакъ захиреси сатын алынмасы, сакълап къалынмасы ве гъайрыдан ишленмеси боюнджа фаалиетни эда эткен ходжалыкъ субъектлерине малиевий ярдым косьтерильмесине догърутылгъан Къырым Мухтар Джумхуриетининъ бюджет васталарындан файдаланув макъсатлары узеринден незарет эда этильмеси Къырым Мухтар Джумхуриети Юкъары Радасынынъ Эсаплав болюгине авале этильсин.
6. Мезкюр Къарар эда этильмеси узеринден незарет Къырым Мухтар Джумхуриети Юкъары Радасынынъ топракъ, аграр меселелер, экологик ве мемурий-территориаль къурулышы боюнджа Даимий комиссиясына авале этильсин.
7. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2012 сенеси, июнь 20,
№ 860-6/12
_____________
* Къарар Илявесиз дердж этиле.