Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1, 7 пунктларына, Къырым Мухтар Джумхуриетининъ икътисадияты инкишафы ичюн эльверишли шараитлер яратылмасы макъсатларына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Сютлю сыгъырларнынъ микъдарыны сакълап къалув узеринде койходжалыгъы ишханелерине малиевий ярдым косьтерильмесине Къырым Мухтар Джумхуриетининъ бюджет васталарындан файдаланув тертиби акъкъында Низамнамеси тасдикълансын (иляве этиле) *.
2. Сютлю сыгъырларнынъ микъдарыны сакълап къалув узеринде койходжалыгъы ишханелерине малиевий ярдым косьтерильмесине козьде тутулгъан Къырым Мухтар Джумхуриетининъ 2012 сенесине бюджет васталарнынъ баш такъсимлейиджиси оларакъ Къырым Мухтар Джумхуриетининъ аграр сиясети ве эрзакъ Назирлиги тасдикълансын.
3. Къырым Мухтар Джумхуриетининъ Назирлер Шурасына авале этильсин:
Къырым Мухтар Джумхуриетинде район девлет мемуриетлеринен бирликте Къырым Мухтар Джумхуриетининъ аит районларында малиевий ярдым эльде этмесине талип ходжалыкъ субъектлери сайланмасы боюнджа ярыш комиссиялары мейдангъа кетирильсин;
2012 сенеси акъымында мезкюр тертиплиштириджи актнынъ акъибетини незарет этмек, 2013 сенесининъ февраль айында акъибетлернинъ нетиджелери «Крымские известия» газетасында дердж этильсин.
4. Сютлю сыгъырларнынъ микъдарыны сакълап къалув узеринде койходжалыгъы ишханелерине малиевий ярдым косьтерильмесине догърутылгъан Къырым Мухтар Джумхуриетининъ бюджет васталарындан файдаланув макъсатлары узеринден незарет эда этильмеси Къырым Мухтар Джумхуриети Юкъары Радасынынъ Эсаплав болюгине авале этильсин.
5. Къырым Мухтар Джумхуриети Юкъары Радасынынъ 2011 сенеси декабрь 21-де къабул олунгъан 635-6/11 санлы Укюминен (Къырым Мухтар Джумхуриетининъ норматив-укъукъий актлар Топламы, 2011 с., № 12, 1-нджи къ., 916 мад.; 2012 с., № 2, 44 мад., № 4, 236 мад.) тасдикълангъан 2012 сенесине тертиплештириджи актларнынъ лейихаларыны азырлав боюнджа Къырым Мухтар Джумхуриети Юкъары Радасынынъ фаалиети планына ашагъыдаки денъишме кирсетильсин:
8 сатырнынъ 2 графасы ашагъыдаки тарирде арз этильсин:
«Сютлю сыгъырларнынъ микъдарыны сакълап къалув узеринде койходжалыгъы ишханелерине малиевий ярдым косьтерильмесине Къырым Мухтар Джумхуриетининъ бюджет васталарындан файдаланув акъкъында» КъМДж ЮР къарар лейихасы».
6. Мезкюр Къарар эда этильмеси узеринден незарет Къырым Мухтар Джумхуриети Юкъары Радасынынъ топракъ, аграр меселелер, экологик ве мемурий-территориаль къурулышы боюнджа Даимий комиссиясына авале этильсин.
7. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2012 сенеси, июнь 20,
№ 859-6/12
_____________
* Къарар Илявесиз дердж этиле.