Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1, 7 пунктларына мувафыкъ, Къырым Мухтар Джумхуриетининъ икътисадияты инкишафы ичюн эльверишли шараитлер яратылмасы макъсатларына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Тузлу топракъларны джифсинлештирмек ичюн койходжалыгъы ишханелерине масрафларны одев тертиби акъкъында Низамнамеси тасдикълансын (иляве этиле) *.
2. Тузлу топракъларны джифсинлештирмесине койходжалыгъы ишханелерине масрафларны одемек ичюн козьде тутулгъан Къырым Мухтар Джумхуриетининъ 2012 сенесине бюджет васталарнынъ баш такъсимлейиджиси оларакъ Къырым Мухтар Джумхуриетининъ аграр сиясети ве эрзакъ Назирлиги тасдикълансын.
3. 2012 сенеси акъымында мезкюр тертиплиштириджи актнынъ акъибети незарет этильмеси Къырым Мухтар Джумхуриетининъ Назирлер Шурасына авале этильсин, 2013 сенесининъ февраль айында амельге кечирильмесининъ нетиджелери «Крымские известия» газетасында дердж этильсин.
4. Тузлу топракъларны джифсинлештирмесине койходжалыгъы ишханелерине масрафларны одемек ичюн еллангъан Къырым Мухтар Джумхуриетининъ бюджет васталарындан макъсатлы файдаланув узеринден незарет эда этильмеси Къырым Мухтар Джумхуриети Юкъары Радасынынъ Эсаплав болюгине авале этильсин.
5. Мезкюр Къарар эда этильмеси узеринден незарет Къырым Мухтар Джумхуриети Юкъары Радасынынъ топракъ, аграр меселелер, экологик ве мемурий-территориаль къурулышы боюнджа Даимий комиссиясына авале этильсин.
6. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2012 сенеси, июнь 20,
№ 858-6/12
_____________
* Къарар Илявесиз дердж этиле.