Къырым Мухтар Джумхуриети Анаясасынынъ 9-нджы маддесиндеки учюнджи къысмынынъ экинджи сатырбашына мувафыкъ, тренер-муаллимлери эмегининъ эмиети ве нуфузыны арттырув, ахлякъий ве маддий къол тутув, иджадий ве спорт фаалиетини рагъбетлендирюв, эм де бутюнукраин ве халкъара севиелердеки ресмий спорт тедбирлеринде чыкъышларгъа Къырым Мухтар Джумхуриетининъ спортчуларыны азырлавнен багълы спорт тренер ярарлыкъларына итибар косьтерюв макъсатларына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ спорт ветеранлары сырасындан тренер-муаллимлерге эр йыл бир керелик ярдым косьтерильмеси акъкъында Низамнамеси тасдикълансын (иляве этиле) *.
2. Къырым Мухтар Джумхуриетининъ 2013 сенесине ве келеджек йылларгъа бюджет лейихалары тешкиль этильгенде Къырым Мухтар Джумхуриетининъ спорт ветеранлары сырасындан тренер-муаллимлерге эр йыл бир керелик ярдым косьтерильмеси акъкъында Низамнамесинен козьде тутулгъан колемде Къырым Мухтар Джумхуриетининъ спорт ветеранлары сырасындан тренер-муаллимлерге эр йыл бир керелик ярдым косьтерильмесине Къырым Мухтар Джумхуриетининъ тасиль ве илим, яшлар ве спорт Назирлигине тахсислер козьде тутмакъ Къырым Мухтар Джумхуриетининъ Назирлер Шурасына авале этильсин.
3. Мезкюр Къарар эда этильмеси узеринден незарет Къырым Мухтар Джумхуриети Юкъары Радасынынъ тасиль, илим, яшлар ишлери ве спорт боюнджа Даимий комиссиясына авале этильсин.
4. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2012 сенеси, июнь 20,
№ 852-6/12
_____________
* Къарар Илявесиз дердж этиле.