Къырым Мухтар Джумхуриети Анаясасынынъ 26-нджы маддесининъ экинджи къысмына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесине, «Оксюз балаларны ве ана-баба васийлигинден марум къалгъан балаларны ичтимаий къорулмасынынъ тешкилий-укъукъий шараитлерини теминлев акъкъында» Украина Къанунына, Украина Президентининъ 2011 сенеси декабрь 16-да къабул олунгъан «Украинада балаларнынъ укъукълары амельге кечирильмесини теминлев меселелери акъкъында» 1163/2011 санлы Ферманына мувафыкъ, оксюз балаларны, ана-баба васийлигинден марум къалгъан балаларны, ве буларнынъ сырасындан шахсларны мескеннен теминлев ве мескен шараитлерини эйилештирюв макъсатларына мувафыкъ
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде оксюз балаларны, ана-баба васийлигинден марум къалгъан балаларны, ве буларнынъ сырасындан шахсларны 2013—2015 сенелерине мескеннен теминлев Програмы тасдикълансын (иляве этиле) *.
2. Къырым Мухтар Джумхуриетининъ Назирлер Шурасына аит бюджет йылларгъа Къырым Мухтар Джумхуриетининъ бюджет лейихалары тешкиль этильгенде Къырым Мухтар Джумхуриетинде оксюз балаларны, ана-баба васийлигинден марум къалгъан балаларны, ве буларнынъ сырасындан шахсларны 2013—2015 сенелерине мескеннен теминлев Програмнынъ тедбирлерини малиенен теминлевине бюджетнинъ келир къысмынынъ акъикъий имкянлары сынъырларында васталар козьде тутмакъ авале этильсин.
3. Къырым Мухтар Джумхуриетинде ерли мустакъиль идарелиги органларына, район девлет мемуриетлерине эр йыл мааллий бюджетлер лейихалары тешкиль этильгенде Къырым Мухтар Джумхуриетинде оксюз балаларны, ана-баба васийлигинден марум къалгъан балаларны, ве буларнынъ сырасындан шахсларны 2013—2015 сенелерине мескеннен теминлев Програмнынъ тедбирлери амельге кечирильмесине васталар козьде тутмакъ тевсие этильсин.
4. Мезкюр Къарар эда этильмеси узеринден незарет Къырым Мухтар Джумхуриети Юкъары Радасынынъ тасиль, илим, яшлар ишлери ве спорт боюнджа Даимий комиссиясына авале этильсин.
Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2012 сенеси, июнь 20,
№ 851-6/12
_____________
* Къарар Илявесиз дердж этиле.