Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына, Украина Граждан къануннамесининъ 80, 83, 104, 108 мадделерине, Къырым Мухтар Джумхуриети Юкъары Радасынынъ 1999 сенеси апрель 21-де къабул олунгъан 459-2/99 санлы Къарарынен тасдикълангъан, Къырым Мухтар Джумхуриетине аит я да онынъ идарелигине теслим этильген мулькиетини идаре этюв тертиби акъкъында Низамнамесининъ II болюгининъ 12-нджи пунктынынъ 12.2 пунктастына мувафыкъ, Къырым Мухтар Джумхуриетинде экологик вазиетини эйилештирюв макъсадына мувафыкъ, «Региональ инкишафы агентлиги» ишханесининъ тешкилий-укъукъий шекли денъишмеси макъсатларына мувафыкъ
Къырым Мухтар Джумхуриетининъ Юкъары Радасы къарар бере:
1. 95011, Симферополь ш., Козлова сокъ., 45 адреси боюнджа ерлешкен (ЕГРПОУ 32259504), «Региональ инкишафы агентлиги» ишханеси екъ этильмесине ве «Региональ инкишафы агентлиги» келирсиз тешкиляты (тешкилий-укъукъий шеклинде — муэссисе) мейдангъа кетирильмесине Къырым Мухтар Джумхуриетининъ Назирлер Шурасына разылыкъ берильсин.
2. Мезкюр Къарар эда этильмеси узеринден незарет Къырым Мухтар Джумхуриети Юкъары Радасынынъ бюджет, икътисадий ве сермия сиясети боюнджа Даимий комиссиясына авале этильсин.
3. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2012 сенеси, майыс 23,
№ 823-6/12