Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына мувафыкъ
Къырым Мухтар Джумхуриетининъ Юкъары Радасы къарар бере:
1. Къырым Мухтар Джумхуриети Юкъары Радасынынъ 2007 сенеси сентябрь 19-да къабул олунгъан «Къырым Мухтар Джумхуриетине аит мулькиети эсасында мейдангъа кетирильген ве коммуналь тедавийлев-огюни алув муэссиселернинъ тиббий хадимлерине Къырым Мухтар Джумхуриетининъ мукяфатлары акъкъында» 559-5/07 санлы Къарарына (Къырым Мухтар Джумхуриетининъ норматив-укъукъий актлар Топламы, 2007 с., № 9, 850 мад., № 11, 1129 мад.; 2008 с., № 5, 380 мад.) ашагъыдаки денъишмелер кирсетильсин:
адында, мукъаддемеде, 1, 4, 6 пунктларында «тедавийлев-огюни алув муэссиселернинъ» сезлери «сагълыкъны сакълав муэссиселернинъ» сезлерине денъиштирильсин;
6-нджы пунктында «мандат, депутат этикасы, Юкъары Радасынынъ ишини тешкиль этюв ве кутьлевий малюмат васталары боюнджа» сезлери «нормаяратыджылыкъ фаалиети, Юкъары Радасынынъ ишини тешкиль этюв ве джемиетнен багъ боюнджа» сезлерине денъиштирильсин;
7-нджи пункт ашагъыдаки тарирде арз этильсин:
«7. Мезкюр Къарар эда этильмеси узеринден незарет Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына, Къырым Мухтар Джумхуриети Юкъары Радасынынъ бюджет, икътисадий ве сермия сиясети боюнджа Даимий комиссиясына авале этильсин».
2. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2012 сенеси, майыс 23,
№ 820-6/12